PAL Manila Marathon dadagsain sa Hunyo 14 | Bandera

PAL Manila Marathon dadagsain sa Hunyo 14

Mike Lee |May 30,2015
facebook
share this

PAL Manila Marathon dadagsain sa Hunyo 14

Mike Lee - May 30, 2015 - 12:00 PM

MALAKING bilang ng mananakbo ang inaasahang tutugon sa paglarga ng PAL Manila Marathon sa Hunyo 14 sa Luneta Park sa Quirino Grandstand.

Ayon sa organizer at dating Manila Marathon runner Dino Jose, nakikita niya na papalo sa 2,000 ang mga tatakbo sa karerang katatampukan ng limang distansya.

Tampok na karera ay ang 42.195-kilometer full marathon habang ang iba pang distansya ay ang 21k, 10k, 5k at 3k.

“Patuloy ang pagtanggap ng registration ng mga sasali at may mga foreigners din na sasali. Inaasahan namin na magiging mahigpitan ang karera lalo na sa full marathon,” wika ni Jose.

Walang national team members ang kasali dahil kakampanya ang mga ito sa Singapore Southeast Asian Games ngunit positibo ang pananaw sa bagay na ito ni Jose dahil maaaring magpakilala ang ibang bata at mahuhusay na local marathoners sa kalalakihan at kababaihan.

Ang pinakamabilis na local runners sa magkabilang dibisyon sa 42.195-k race ay ipadaadala sa Virgin London Marathon sa 2016 habang ang mananakbo na makakasira sa 2:14:27 winning time na ginawa ni Waldemar Cierpinski ng Germany noong 1981 ay ipadadala sa 2016 Tokyo Marathon.

Sa ganap na ala-1:30 ng umaga magsisimula ang marathon habang ang 21k ay sa alas-2:30 ng umaga ilalarga. Ang 10k ay magsisimula sa ganap na alas-5:30 ng umaga at 10 minuto matapos nito ay itatakbo ang 5K at 3K runners.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

What's trending