Janitor nagwagi ng P14.7M jackpot sa Mega Lotto 6/45

NAGWAGI ang isang janitor sa Davao City ng P14.7 milyong jackpot sa Mega Lotto 6/45.
Sinabi ng 30-taong-gulang na tatay na sa loob ng isang dekada, tinitiyak niyang nagtitira siya ng panaya sa lotto.
Nasolo ng janitor ang jackpot para sa draw ng Mega Lotto noong Abril 29 matapos niyang tayaan ang mga numero na 20-05-42-14-12-24.
Inuwi niya ang kabuuang P14,705,448, ayon kay Philippine Charity Sweepstakes Office (PCSO) Vice Chair and General Manager Jose Ferdinand Rojas II.
Sinabi ng janitor na nakatakda na siyang magretiro bilang janitor at bibili na lamang siya ng jeepney, na kanyang ibibiyahe o paparentahan.
Balak din ng janitor na bumili ng bahay at lupa para sa kanyang pamilya at magbukas ng isang maliit na grocery na pamamahalaanan ng kanyang asawa.