Thai na tumawag sa Pinoy na ‘pig’, ‘scum’ at ‘low-class slaves’ sibak na, ipatatapon pa
SINIBAK na sa trabaho sa Pilipinas ang Thai national na naging kontrobersyal dahil sa pagtawag nito sa mga Pilipino na “Pignoy”, “low-class slaves”, “scums of the earth” at “useless race in the world”.
Una nang naharap sa deportation proceedings ang Thai national na si Kosin Prasertsri dahil sa mga racist comments na ipinost nito sa social media.
Sinibak si Prasertsri ng kanyang employer, ang Cognizant Technology Solutions Philippines, Inc. na nasa Taguig City.
“Following contentious remarks made by Kosin Prasertsri on social media, Cognizant Technology Solutions Philippines, Inc. has taken disciplinary action against him and terminated his services with effect from May 4, 2015. He has been turned over to the Bureau of Immigration,” Cognizant Technology Solutions Inc. posted on its official Facebook account on Wednesday.
Ayon sa kompanya ay nakikipagtulungan sila ngayon sa Bureau of Immigration, Embassy of Thailand, Philippine Economic Zone Authority (Peza) at Department of Labor and Employment (DOLE) para sa kaso ni Kosin.
“We take this opportunity to reiterate our commitment to the highest standards of diversity, inclusivity, transparency, and corporate governance,” ayon sa ipinalabas na kalatas ng business process outsourcing company.
Tatlong taon nang nagtatrabaho ang 32-anyos na si Prasertsri sa nasabing kompanya.
Nag-viral ang mga post ni Prasertsri matapos ma-screengrab ang mga racist remarks na sinabi nito sa Asean Community Facebook page.
Humingi naman ng paumanhin ang nasabing Thai.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.