Ai Ai bumilib, puring-puri sina Ruru at Gabbi

Sa dinami-rami na rin ng pinagsamahan nina Ruru Madrid at Gabbi Garcia, hindi maikakailang kilalang-kilala na nila ang isa’t isa.

At makikita nga ang matinding chemistry ng dalawa sa kanilang launching series na Let The Love Begin na nagsimula na nga last Monday sa GMA TeleBabad kung saan kasama nga nila ang nag-iisang Comedy Queen na si Ai Ai delas Alas.

At dahil sa workshops na ginawa nila ay kabisado na rin nina Ruru at Gabbi kung paano tutulungan ang isa’t isa para humugot sa bawat eksena. “Kapag sa workshops, talagang all-out kami.

We jump talaga sa feelings namin so doon kami humuhugot…he knows me very well, kung ano yung pinaghuhugutan ko. So sa set, kapag medyo nawawala-wala ako, kakausapin niya ko, ipapaalala niya kung bakit ako nandito, talagang he’ll stay with me.

He’s gonna stay with me until makuha ko, until makapunta ako doon. Talagang tulungan kami,” kuwento ni Gabbi.In fairness, puring-puri ni Ai Ai ang professionalism ng dalawang youngstar, hindi raw mahirap katrabaho ang mga ito at marunong makinig at marespeto.

Samantala, nangako ang dalawang bagets na talagang pagbubutihan nila ang kanilang trabaho sa Let The Love Begin para na rin sa ikatatagumpay nito. At ayaw din nilang mapahiya sa magagaling na artistang kasama nila sa programa.

Aware sina Gabbi at Ruru na kahit kailan ay pwedeng buwagin ang loveteam nila. Open naman ang dalaga sa ganitong bagay. Aniya, “Sa industry natin, hindi naman forever yung loveteam, di ba? Let’s face the fact na hindi forever na magkasama, ang dami na ring pinaghiwalay.”

Dagdag pa nito, “Kahit naman mapaghiwalay kami or ma-pair kami sa iba, bottomline is we’re close. Showbiz can never take away the fact na close talaga kami. Hindi naman porke’t loveteam kami, kaya lang kami close.

Kahit ma-pair pa kami sa iba, we’re gonna remain friends.” Subaybayan sina Ruru at Gabbi sa seryeng Let The Love Begin after Pari ‘Koy sa GMA Telebabad.