Palasyo: Taas noo pa rin ang bansa kay Pacquiao | Bandera

Palasyo: Taas noo pa rin ang bansa kay Pacquiao

Bella Cariaso |May 03,2015
facebook
share this

Palasyo: Taas noo pa rin ang bansa kay Pacquiao

Bella Cariaso - May 03, 2015 - 02:07 PM

Pacquiao

Pacquiao


SINABI kahapon ng Palasyo na taas noo pa rin ang Pilipinas sa kahanga-hangang paglaban ni Pambansang Kamao Manny Pacquiao sa kabila naman ng pagkatalo kay Floyd Mayweather, Jr.
Idinagdag ni Presidential Communications Operations Office (PCOO) head Secretary Herminio “Sonny” Coloma na nagpapasalamat si Pangulo Aquino sa pagbibigay niya ng inspirasyon sa bawa’t Pilipino na nagpupunyagi at lumalaban sa mga hamon ng buhay upang matamo ang isang maunlad na kinabukasan.
“Patuloy nating ipinagmamalaki ang husay, gilas at tapang ni Manny Pacquiao. Sinasagisag niya ang galing at kabutihan ng bawa’t Pilipino na kayang makipag-paligsahan sa pinakamahusay sa iba’t ibang larangan — at kayang magtamo ng karangalan,” sabi ni Coloma.
Ayon kay Coloma, nanood si Aquino ng laban ni Pacquiao sa Bahay Pangarap.
“Sana’y makapag-ukol na si Manny ng dagdag na panahon para sa kanyang pamilya at sana’y mapanatili niya ang magandang kalusugan sa kanyang pagtahak ng iba pang landas na nais niyang tahakin sa hinaharap,” dagdag ni Coloma.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

What's trending