Maxene kulang sa angas bilang Francis M, di dapat nanalo sa YFSF

HIHINGI muna kami ng dispensa sa lahat ng supporters and believers ni Francis Magalona, ang tinaguriang King of Rap ng Pinoy Music.

Siya kasi ang music icon na in-impersonate ng anak niyang si Maxene Magalona sa ikapitong linggo ng Your Face Sounds Familiar last weekend at nahusgahan nga bilang number one among the eight contestants noong Sunday.

With due respect sa effort ni Maxene, na-appreciate namin ang pagsusumikap niyang magaya ang pamosong ama with her “Mga Kababayan” number.

But sad to say, hindi kami na-impress sa performance niya kahit na medyo nakopya ng aktres ang itsura ni Kiko during one of his heydays, lalo na noong payat pa ito.

Nasubaybayan din namin ang karir ni Francis M, at hangang-hanga kami sa stage presence and performance niya. Everytime noon na na-iinvite siya sa PBA to sing and perform, lagi naming inaabangan ang kakaiba niyang angas at tikas on stage, na inasahan naming magagaya ni Maxene, but unfortunately, she failed.

Anyway, marami rin ang kumuwestiyon sa pagdya-judge nina Sharon Cuneta at Jed Madela when they both scored Maxene 7 (second highest), habang number one nga ito kay Gary V, tinawag ito ng ilang netizens na “tribute votes”.

Mas tumaas pa ang score ni Maxene nang ibigay din sa kanya ng ilang kapwa contestants ang kanilang boto. Well, at least nakita naming nasa top three pa rin ang personal bets naming sina Nyoy Volante (who for us should have topped as Sylvia La Torre impersonator) at Melai Cantiveros (as Rihanna).