Mga Laro Ngayon
(Araneta Coliseum)
4:15 p.m. Meralco vs Blackwater
7 p.m. Alaska vs Ginebra
PAGLALABANAN ng Barangay Ginebra at Alaska Milk ang ikaanim na puwesto sa pagtatapos ng elimination round ng PBA Commissioner’s Cup mamayang alas-7 ng gabi sa Smart Araneta Coliseum.
Sa unang laro sa ganap na alas-4:15 ng hapon ay tuluyang mamamaalam ng Blackwater sa torneo sa pagharap nito sa Meralco.
Ang Barangay Ginebra ay may 5-5 karta at galing sa 96-89 panalo kontra Globalport sa kanilang out-of-town game sa Lucena City noong Sabado. Ang Alaska Milk naman ay may 4-6 record at natalo sa Talk ‘N Text, 101-93, noong Linggo.
Sa ilalim ng torunament format, ang mga koponang magtatapos sa ikatlo hanggang ikanim na puwesto ay papasok sa best-of-three quarterfinal round kung saan makakatunggali ng No. 3 ang No. 6 at ng No. 4 ang No. 5.
Ang ika-7 at ika-8 koponan ay makakasagupa ng top two teams na may twice-to-beat advantage. —Barry Pascua
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.