Hiling sa ABS-CBN: Pagsamahin sa serye sina Sharon at Sarah

BIG news talaga ang pagbabalik Kapamilya ni Megastar Sharon Cuneta.

Mas marami ang natuwa at positibong tinanggap ang desisyon ni Sharon na magbalik sa original niyang tahanan, sa katunayan, wala kaming nabasang kanegahan sa hakbang ni Mega.

“Nagbakasyon lang,” ang sambit ni Sharon sa mga nagtanong kung paano niya ilalarawan ang kanyang pagkawala sa ABS-CBN.

What we really admire from Sharon is her honest way of explaining things na kahit pa nga kilo-kilometro itong magsalita at palaging nakabungisngis ay napakasarap pa ring pakinggan dahil masaya lang ang emote niya.

Before pa man namin hinangaan ang pagiging bungisngis ni Sarah Geronimo, original na sa amin si Mega sa aspetong yun.
Napakagaling niyang dramatic actress (siya talaga ang matatawag na last surviving movie queen ng movie industry) and yet kung humataw na siya ng pagtawa, wagas na wagas talaga!

At muli nga naming  narinig ‘yan sa “mega comeback” presscon niya nu’ng Lunes ng hapon, iyan ay sa kabila nga ng mga pinagdaraanan niyang problema sa kanyang personal life.

Kaya nga nu’ng itanong namin kay Sharon kung sa anu-anong kanta niya maaaring ikunek ang mga naranasan niya sa buhay at sa kanyang showbiz career karir, ang kanyang mabilis na sagot, “The Greatest Love of All.”

Dahil aniya, “It sums up everything na meron ako today. At this very point of my life. Paano ka nga namang mag-spread and share love sa iba kung hindi mo matutunang mahalin ang sarili mo, tulad nga ng lyrics ng kanta, di ba?”

“Naranasan ko na rin ang ‘Bituing Walang Ningning’,” dagdag pa ni Sharon na for us is her humblest way of saying na talagang kahit sa super sikat na artista ay dumarating pa rin ang panahong nawawalan din ng ningning ang iyong bituin.

“Yung ‘Sana’y Wala Nang Wakas’, galing na din ako,” huling hirit ni Mega sa aming tanong. Anyway, magiging bahagi bilang juror si Sharon (kasama sina Gary Valenciano at Jed Madela) sa inaabangang Your Face Sounds Familiar, ang reality-based singing contest na lalahukan ng eight celebrities na magta-transform bilang isang music icon na kanilang gagayahin from head to foot, not just the voice.

“This is really exciting at kahit ako ay hindi ko ma-imagine ang mga puwedeng gawin ng contestants,” sey pa ni mega na nagsabi ring sa kanyang pagbabalik-ABS ay matutupad na ang pangarap niyang magkaroon ng teleserye at open siya sa lahat ng posibleng itambal sa kanya, bagets man o dati niyang ka-loveteam, kabilang na ang ex-husband niyang si Gabby Concepcion.

“I see myself doing a teleserye here. But at this point, I am in the best hands I’ve ever been. I’m in the hands of people who care for me and love me. I’m open to anything, me and KC, me and other leading men, former leading men, exes, ex-husband.

Gusto ko lang ipaalam sa inyo na kapag wala kaming naging project (ni Gabby), siya ang may ayaw. At this point, I’m very very open to it,” ani Mega.

Meron ding nagsabi na pagsamahin sila ng nag-iisang Pop Princess na si Sarah Geronimo sa isang proyekto dahil tiyak daw na papatok ‘yun.

Welcome home Sharon my dear!