2015 PBA ALL-STAR WEEKEND UMPISA NA | Bandera

2015 PBA ALL-STAR WEEKEND UMPISA NA

Barry Pascua |March 06,2015
facebook
share this

2015 PBA ALL-STAR WEEKEND UMPISA NA

Barry Pascua - March 06, 2015 - 12:00 PM

MAKAKASALAMUHA’T mapapanood sa aksyon ng mga basketball fans sa Palawan ang kanilang mga paboritong hardcourt heroes sa 2015 PBA All-Star Weekend na magsisimula mamaya sa Puerto Princesa Coliseum sa Puerto Princesa City.

Mag-uumpisa ang lahat sa Skills Games mamayang alas-4 ng hapon.

Idedepensa ni Purefoods Star guard na si Mark Barroca ang kanyang korona sa Obstacle Challenge. Habol naman ni Mark Macapagal ang ikalima niyang kampeonato sa Three-Point Shootout. Sisikapin naman ni Rey Guevarra at Justin Melton na kunin nang solo ang korona sa Slam Dunk Competition.

Matapos ang Skills Games ay gaganapin naman ang Rookies versus Sophomores Blitz Game.

Makakalaban ni Barroca sa Obstacle Challenge sina Chris Tiu. Jonas Villanueva, Simon Atkins, LA Tenorio, LA Revilla, RR Garcia, Brian Heruela, Chris Banchero, Stanley Pringle, Jerick Fortuna at Jason Castro.

Katunggali ni Macapagal sa Three-Point Shootout sina Terrence Romeo, James Yap, Dondon Hontiveros, LA Revilla, JC Intal, Nino Canaleta, LA Tenorio, Chris Tiu, Arwind Santos, Jimmy Alapag at Heruela.

Sina Guevarra at Melton ay hahamunin sa Slam Dunk event ng dating kampeong si Chris Ellis ng Barangay Ginebra kasama nina Japeth Aguilar, Calvin Abueva, Matt Ganuelas-Rosser at JC Intal.

Pangungunahan ng top draft pick at Globalport guard na si Pringle ang Rookies team na kabibilangan nina Kevin Alas, Banchero, Ganuelas-Rosser, Heruela, Anthony Semerad, Ronald Pascual at Jake Pascual.

Ang Sophomores squad ay katatampukan nina Melton, Fortuna, Romeo, Garcia, Eric James Camson, Alex Nuyles at Raymond Almazan.

Sa Linggo ay magaganap ang pinakahihintay na North versus South All-Star Game na ibinabalik matapos ang apat na taon.

Ibinotong magsimula para sa North team sina Mark Caguioa at Aguilar ng Barangay Ginebra, Marc Pingris at Melton ng Purefoods Star at Abueva ng Alaska Milk.

Subalit hindi makapaglalaro si Caguioa bunga ng injury at siya ay hahalinhan ni Castro sa starting lineup. Kabilang sa North squad na hahawakan ni San Miguel Beer coach Leo Austria sina Santos, Romeo, Tenorio, Paul Lee, Gabe Norwood, Ranidel de Ocampo at Beau Belga.

Ibinto namang starters para sa South Team ni Alaska Milk coach Alex Compton sina Yap at Barroca ng Purefoods, Greg Slaughter ng Ginebra, June Mar Fajardo ng San Miguel Beer at Paul Asi Taulava na lalaro sa kanyang ika-13 All-Star Game.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Ang ibang mga miyembro ng South team ay sina Alapag, Hontiveros, Pringle, Cyrus Baguio, Reynell Hugnatan, Joe Devance, Peter June Simon at Jeff Chan.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

What's trending