Kris tinira si Dennis; binatikos sa pagkampi kay Julia

Tinatanong kami ng a-ming mga kaibigan, meron daw bang personal na galit si Kris Aquino kay Dennis Padilla, halatang-halata raw kasi na sa isyung namamagitan sa komedyante at sa anak nitong si Julia Barretto ay kamping-kampi si Kris sa panig ng batang aktres.

Buong-ningning kasing nag-opinyon si Kris na dapat ay si Dennis na ang unang bumati sa kanyang anak, ang ganda-ganda raw ni Julia, na para bang pagandahan ang labanan at hindi ugali ang mas binibigyan ng katwiran.

Taliwas ang opinyon ni Kris sa katwiran ng mas nakararami nating kababayan, lalo na’t inamin ng aktor na tahasan itong i-nisnab ng kanyang anak, mas kumakampi pa raw si Kris sa isang malditang anak kesa sa unawain ang damdamin ni Dennis.

“Dapat, kung magbibigay ng personal na opinion niya si Kris, e, alamin niya muna ang puno’t dulo ng pangyayari. Hindi ‘yung basta mag-oopinyon na lang siya na dapat, e, si Dennis ang unang bumati sa anak niya.

“Okey ba sa kanya ang ganu’n? As a mother, lalo na’t nasa ganu’ng situation din ang mga anak niya, e, naging ba-lanse dapat siya sa pagbibigay ng opinion.

“Makakampi lang? Akala ko ba, e, malapit ang loob niya sa mga artistang mabait sa magulang? Palagi niyang sinasabi ‘yun, pero bakit napaka-inconsistent niya?

“Parang sinasabi pa niya ngayon na okey lang na bastusin ng mga anak ang parents nila. Si Kris talaga!” kuwento pa ng aming kausap.