Kim nag-trending bilang Mulan, ayaw patalbog kay Sarah
Todo-todo ang pasasalamat ng Kapamilya Teleserye Princess na si Kim Chiu sa lahat ng kanyang fans and followers sa social media na hindi nagsasawa sa pagsuporta sa lahat ng kanyang proyekto.
Araw-araw din kasing nagte-trending ang pagkakapili sa kanya bilang isa sa 12 Disney Princesses kung saan nakasama rin ang Pop Princess na si Sarah Geronimo.
Si Kim ang napili ng Walt Disney Asia para gumanap sa karakter ni Mulan. Kamakailan ay inilabas na ng Disney Asia ang posters nina Sarah at Kim bilang sina Rapunzel at Mulan respectively. Ito ay magiging bahagi nga ng special Disney 2015 calendar.
Sa kanyang Instagram account, pinasalamatan ni Kim nang bonggang-bongga ang lahat ng kanyang fans na walang tigil sa pagpo-post ng kanyang mga picture bilang Mulan na naging dahilan kung bakit hindi ito nawawala sa trending topics sa Twitter.
Ayon pa sa post ng dalaga kahapon, “Day 12 The final day of #12DaysofPrincess is here. You guessed it right! I’m Mulan! Take a look at the 11 other Disney Princesses on www.fb.com/DisneyChannelAsia. #DeterminedPrincess!”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.