Aljur natauhan na raw, malapit nang bumalik sa GMA
ALJUR ABRENICA
Nakorner namin ni katotong Arniel Serato si Aljur Abrenica sa dressing room niya sa Music Museum bago siya sumalang as guest sa concert ni Michael Pangilinan.
Mas gumuwapo si Aljur ngayon na mabenta sa mga out-of-town shows.
“Okay naman ako. I feel blessed kasi marami akong nakilalang mga bagong kaibigan lalo na sa bandang Visayas. May mga itinuring akong kapamilya like sa Sultan Kudarat,” chika sa amin ni Aljur.
Habang hindi pa nare-resolve ang kasong isinampa niya sa GMA 7 ay napagtuunan ng pansin ni Aljur ang kanyang family, “I get to spend more time with my family now especially my mom na lagi kong kasama kapag may out-of-town shows ako.”
Nabigyan din niya ng panahon ang entertainment lounge and resort nila sa Batangas City at tinutulungan niya ang daddy niya sa pagpapatakbo nito.
Abangan daw ang kanyang pagbabalik sa GMA. Meron na raw kasing pag-uusap between his camp and the network people. So, ibig sabihin anytime soon ay baka magkaayos na ang hunk actor at Siyete.
Buti naman dahil matagal-tagal na ring na-frozen delight si Aljur, ‘no!
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.