Jed Madela duwag, walang paninindigan

Ngayon siguro ay mag-iisip na munang mabuti si Jed Madela bago siya mag-post ng kung anu-ano sa kanyang FB at Twitter account. Matagal na siyang post nang post ng kanyang emosyon pero nga-yon lang siya naipit nang ganito katindi.

Masyado kasing mapa-ngahas ang male singer na ito sa pagkokomento, diretso kung diretso siya, wala siyang pakialam kung anuman ang maramdaman ng mga pinatatamaan niya sa kanyang matutulis na posts.

Ang hindi lang maganda ay ang kawalan niya ng paninindigan, naduduwag siya kapag nasusukol na, kung sinu-sino ang itinuturo niya para lang maisalba ang kanyang sarili sa gulo na siya rin naman ang nagsimula.

“Gagawa-gawa siya ng issue, pero siya rin naman pala ang maduduwag? Kung matapang talaga siya, pangalanan niya ang mga taong tinutukoy niya! Pa-blind item pa siya kung umatake, ano siya, reporter?” naiinis na komento ng isang tagamasid tungkol sa kawalan ng paninindigan ng singer.

At kailangan, kapag ininterbyu si Jed Madela, ay recorded ‘yun. Malaki kasi ang posibilidad ng kanyang pagdedenay, ng kanyang pagpapaikut-ikot, para lang makalabas siya sa isyu.

Nakakaloka ang biriterong singer na ito!