Janine, Elmo may kasunduan sa relasyon

Ang More Than Words nga ang magsisilbing opisyal na project bilang real-life sweethearts nina Janie at Elmo. Sa Villa Quintana nagsimula ang lahat, at dito nga sa project na ito under direk Andoy Ranay magpapatutuloy at yayabong kumbaga ang kanilang romansa.

“Hindi naman po. Kasi from the start we’ve set na our priorities. That we are here as a team to work and focus on our careers,” sey ng maganda at matalinong si Janine sa tanong namin kung may takot o pressure ba na naging sila.

Dagdag naman ni Elmo, who appears more handsome, smart and caring, “We talked about it po. We made rules na kahit kami na, work is work.

Ang maganda kasi sa set-up namin, ay pareho naming na-experience yung ganda at pangit ng showbiz so getting into a relationship at a time na mayroon kaming mga career must be put as an inspiration, pero hindi number one priority.”

Yun daw ang nakikita niyang rason kung bakit hindi siya nahirapan na aminin sa publiko ang relasyon niya kay Janine dahil gusto raw nilang matupad pa rin yung mga kani-kaniya nilang goals, “That’s why we are so thankful to GMA for again giving us a project.

May mga dapat kaming i-deliver at gawin, so we are obliged,” hirit pa ni Elmo na nag-mature nang kausap. Halatang takot na takot magkamali ang dalawa sa kanilang relasyon kaya naman ingat na ingat sila sa kanilang  kilos.

Basta tutukan ang pagsisimula ng More Than Words sa Nov. 17  sa GMA 7 bago mag-24 Oras sa direksyon ni Andoy Ranay.