Derek, Mary Christine nagkaayos na | Bandera

Derek, Mary Christine nagkaayos na

Cristy Fermin |October 25,2014
facebook
share this

Derek, Mary Christine nagkaayos na

Cristy Fermin - October 25, 2014 - 03:00 AM

derek ramsay
Nakatutuwang malaman na tinapos na nina Derek Ramsay at Mary Christine Jolly ang digmaan nila sa korte. Nu’ng nakaraang Huwebes nang umaga ay nagkita na sa gitna ang magkalabang kampo, iniurong na nila ang kaso nila laban sa bawat isa, kasunod nu’n ang pagpirma nila sa isang compromise agreement.

Ilang buwan ding tumagal ang kanilang labanan, hindi simpleng oras ang ibinigay nila sa pagdinig sa mga kasong isinampa nila laban sa isa’t isa, pero wala ngang problemang hindi maiaayos sa isang simpleng komunikasyon.

Nagkasundo sina Derek at Mary Christine na pananatiliing pribado ang nilalaman ng kanilang pinagkasunduang kompromiso, ang mahalaga ay nagkaayos na sila, magiging masaya na ngayon ang kanilang anak na si Austin Gabriel.

Sa totoo lang, sa kabuuan ng kanilang pagbabangayan ay ang kanilang anak ang unang-unang naaapektuhan, naipagdadamot nila ang isang normal at mapayapang paglaki ng bata, salamat naman at binigyang-halaga ‘yun nina Derek at Mary Christine Jolly.

Hindi na mahalaga ngayon kung sino ang nanalo at natalo, ang importante ay tapos na ang boksing, mahimbing na tulog na ang nakaabang sa kanila ngayon.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

What's trending