Para sa may kaarawan ngayon: Magpaganda ka sa araw na ito, dahil kapag lagi kang maganda, kusang lalago at dadami ang pera. Sa pag-ibig, papungayin ang mga mata upang maakit ang masarap na romansa. Mapalad ang 9, 17, 25, 33, 35, at 46. Mahiwaga mong mantra: “Sa aking mga mata ang tunay na pag-ibig ay madadama!” Pink at green ang buenas.
Aries – (Marso 21-April 19)—Sa pinansyal, malapit na ang Holiday Season, dagdag na pagiipon ang dapat upang may magamit na pang handa sa masayang Noche Buena. Sa pag-ibig ituloy lang ang magulong pakikipag-relasyon sa isang Sagittarius, mahirap mawalan ng minamahal sa panahon ng kapaskuhan. Mapalad ang 6, 17, 28, 34, 40 at 49. Mahiwaga mong mantra: “Aum-Devasya-Om.” Bukod sa red ang blue ay buenas.
Taurus – (April 20-May 20)—May darating na malaking halaga ng salapi! Wag namang ubusin agad-agad, mag-savings upang may mahugot sa sandali ng kagipitan. Sa pag-ibig, paglaanan ng pera ang palahinging kasuyo. Mapalad ang 3, 6, 15, 33, 39, at 47. Mahiwaga mong mantra: “Om-Anilam-Aum-Bastan.” Red at lilac ang buenas.
Gemini – (May 21-June 21)—Isang kaibigan ang lalapit upang mangutang. Hindi mo siya dapat pautangin, dahil dati ka nya ng hindi binayaran. Sa pag-ibig, higit na mas masarap gastahin ang salapi kung ito ay iuukol sa minamahal. Mapalad ang 5, 14, 23, 32, 41, at 48. Mahiwaga mong mantra: “Om-Yantra-Aum-Migeta.” Gray at violet ang buenas.
Cancer – (June 22- July 22)—Sa pinansyal, tuloy-tuloy nang dadami at madadagdagan ang salapi habang laging kasama ang minamahal. Sa pag-ibig lalong mag-iinit ang pakikipag-niig sa isang Scorpio. Mapalad ang 2, 11, 18, 37, 40, at 44. Mahiwaga mong mantra: “Abra-Ca-Da-Bra.” Green at pink ang buenas.
Leo – (July 23 – August 22)—Sundin ang pinapagawa sayo ng kasuyo para hindi ka nya kulitin. Sa pagsunod sa minamahal, mas malaking tagumpay at kaligayahan ang makakamit. Mapalad ang 1, 7, 16, 34, 43 at 49. Mahiwaga mong mantra: “Aum-Asato-Tomaso-Om.” Gold at blue ang buenas.
Virgo – (August 23 – September 22)— Mercury ang ruling planet mo kaya susuwertehin ka kapag nagkaroon ka ng sasakyan. Mapalad ka sa lahat ng uri ng sasakyan kahit na ito ay bisikleta lang. Kung may sasakyan ka na, 555 ang suwerteng plate number upang patuloy kang umunlad at yumaman. Mapalad ang 5, 14, 23, 28, 36, at 41. Mahiwaga mong mantra: “Hare-Krisna-Rama-Rama.” Silver at white ang buenas.
Libra – (September 23-October 23)—Panahon na upang palakasin ang katawan upang hindi tablan ng lumalaganp na sakit na ebola kung sakali mang makarating ang nasabing karamdaman sa ating bansa. Pagkatapos mag-ehersisyo, kumain ng maraming gulay at mga prutas. Sa simpleng buhay na na walang gaanong pinproblema, kusang lalakas ang immune system. Mapalad ang 6, 17, 28, 30, 46 at 48. Mahiwaga mong mantra: “Aum-Bhagava-Gita-Om.” Orange at blue ang buenas.
Scorpio – (October 24 – November 21)—Malapit na ang birthday mo! Simpleng selebrasyon na lang ang dapat upang makatipid. Ang salaping maiipon ay ilaan sa nalalapit na kapaskuhan upang pagtatapos ng taon maging masaya ang iyong pamilya. Mapalad ang 3, 16, 21, 33, 38 at 46. Mahiwaga mong mantra: “Aum-Gayatri-Devah-Om.” Maroon at green ang buenas.
Sagittarius – (November 22 – December 21)—Sa pinansyal, tuloy-tuloy na sana ang magandang pasok ng salapi, kaya lang nasasayang ito kasi bulaksak ka! Upang umunlad matutong mag-tipid. Sa pag-ibig, turuan din ang kasuyo na wag mag sayang ng pera sa pagbili ng kung ano-anong gamit na hindi naman talaga kailangan. Mapalad ang 3, 12, 22, 37, 41 at 45. Mahiwaga mong mantra: “Agla-Aum-Aum.” Pink at beige ang buenas.
Capricorn – (December 22 – January 19)—Magpapakawala ng malaking halaga ng salapi ang mga kandidato sa nalalapit na election 2016. Sa pamamagitan ng matalinong pagpapasya, madodoble ang iyong kita. Sa pag-ibig, wag puro puso ang gamitin, gumamit ka rin ng pera upang lumigaya. Mapalad ang 5, 14, 23, 32, 41, at 49. Mahiwaga mong mantra: “Maham-Rintun-Jaya.” Blue at silver ang buenas.
Aquarius – (January 20 – February 18)— Tigilan na ang madalas na pagpe-Facebook, walang itutulong na mabuti ang gawaing iyan. Ibuhos ang oras sa mga bagay na pagkakaperahan. Sa pag-ibig, mahalin ang kasuyong Sagittarius, bago siya tuluyang mawala. Mapalad ang 4, 10, 19, 35, 44 at 48. Mahiwaga mong mantra: “Shanti-Om-Pad-Me-Om.” Maroon at gold ang buenas.
Pisces – (February 19 – March 20)—Itutok ang inyong konsentrasyon sa nais mong makamit. Para dumami ang kita tutukan mo ang iyong mga ginagawa na may kaugnayan sa salapi. Sa pag-ibig, may masarap na romansa kung patuloy mong lalambingin at kikilitiin ang kasuyo mong Libra. Mapalad ang 2, 16, 27, 38, 41 at 49. Mahiwag mong mantra: “Om-Agla-Om.” Red at blue ang buenas.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.