Paolo Valenciano takot sumabak sa aktingan: Baka kasi mabaliw na ‘ko!

SI Paolo Valenciano pala dapat ang itatambal noon kay Heart Evangelista at hindi si John Prats. Pero hindi nga ito natuloy dahil hindi raw talaga keri ng anak ni Gary V. ang maging  artista.

Grabe ang pagiging mahiyain ni Paolo noon, at aminado ang singer-composer-director na marami siyang insecurities noon bilang anak ni Mr. Pure Energy. Kaya kahit gusto niyang i-try ang acting ay talagang wala siyang lakas ng loob na gawin ito.

Tsaka super busy na siya sa singing at pagdidirek, baka raw pag umakting pa siya ay ikabaliw ba niya. Sa press launch ng kanyang first solo rock album, ang “Silence Noise” under Star Records, super humble pa rin si Paolo, at mararamdaman mo ang sincerity sa kanyang sinasabi at ginagawa.

Mapi-feel mo pa rin ang kanyang pagiging mahiyain. Pero in fairness ha, “halimaw” din kung mag-perform siya on stage. Siyempre, ibang-iba ang atake niya bilang singer kumpara sa kanyang ama, at masasabi naming pwedeng-pwede siyang ihilera sa kalibre ng rockstar na si Bamboo kung pagalingan sa performance at boses ang pag-uusapan.

Kahit kasi rakrakan ang style ni Paolo ay hindi siya nakakairitang pakinggan, at may sense ang mga kanta niya sa kanyang album.
“My music is for my music fans and music enthusiasts.

Kung masakyan siya ng masa bonus na yon. Rock music pa din siya pero more on easy listening, inspired by ‘yung mga influences ko ‘yung mga Rivermaya during the Rico Blanco days, Up Dharma Down,” esplika ni Paolo na siya ring vocalist ng rock band na Salamin.

Ibang-iba rin ang atake ng album cover ng “Silence Noise”, meron itong mukha ni Paolo sa harap at ang X-ray naman ng bungo niya sa likod, “Kaya ‘Silence Noise,’ kasi kapag nasa stage ako, when our band Salamin is performing ay puro kalat at puro gulo. Pero pagdating ko sa bahay ay nakikinig ako ng mas easy listening music.”

“As a recording artist, I give myself a normal rating in terms of musical skill and artistry. But what I lack in talent I make up for with vision. When I work on the first few lyrics of a song, I already picture the last scene of the music video.

My ideas are what keep me going,” dagdag pa ni Paolo. Tracks included in Paolo’s album are “Tag-Ulan,” “Pangako,” “Hanggang Kailan Mahihintay,” “Parusa,” “Kislap” at ang carrier single “Muling Magbabalik.” Available na ang “Silence Noise” sa mga record bars nationwide.

The tracks can also be downloaded via iTunes, Amazon.com, Mymusicstore.com.ph, and Starmusic.ph. Bukod sa bagong album, si Paolo rin ang magdidirek ng major solo concert ni Toni Gonzaga, ang “Celestine” sa Oct. 3 at SM Mall of Asia Arena.