Jolo gwardiyado si Jodi pero hindi raw epal na boyfriend

TUMABA ang Vice-Governor ng Cavite na si Jolo Revilla nu’ng magkita kami sa premiere night ng box-office horror film ngayon ni Direk Wenn Deramas na “Maria Leonora Teresa.”

Siyempre, nandoon si Jolo to support his girlfriend na si Jodi Sta. Maria  disproving all rumors na break na nga sila. Isa si Jodi sa mga bida ng “Maria Leonora Teresa.” Kitang-kita rin kung paano niya protektahan at gwardiyahan si Jodi.

But unlike other celebrity na syota ang girlfriend na aktres na nakadikit sa mga ganu’ng event, Jolo opted to make his presence in low profile. Nauna na siyang pumasok sa loob ng sinehan at umupo kasama ang ibang special guests ni Jodi sa bandang itaas.

Although, after the film holding hands na sila ni Jodi palabas ng sinehang hanggang papunta sa late dinner cast party ng “MLT” sa Uncle Cheffy sa SM Megamall. Hindi rin nagtagal ang dalawa sa cast party at bigla ring umalis.

Namataan din namin sa premiere night ang ka-holding hands na babae ng nagbabalik na actor-singer na si Dante Ponce. He plays as the husband of Iza Calzado sa “Maria Leonora Teresa.” Hindi nagkamali ang duda ni Manay Ethel Ramos that the woman ay misis ni Dante.

Kadarating lang daw straight from the airport ng kanyang misis na si Winlove. Galing ng San Francisco si Winlove kung saan siya nagtrabaho for a long period of time bilang surgeon. She graduated sa kursong radiation oncology.

Pero nu’ng mag-decide si Dante na bumalik na ng Pilipinas, nagtrabaho naman sa Brunei si Winlove. In as much as gusto ni Winlove na magkasama sila rito sa Pinas ni Dante, e, may mga legal problems naman siyang na-encounter to practice her profession dito.

Kaya ang ending, sa Brunei na nakakuha ng work si Winlove na ilang oras lang ang byahe from the Philippines whenever she wants to visit her hubby.

Actually, napaganda pa nga raw ang punta sa Brunei ni Winlove kasi mismong ang Sultan doon na si Bolkiah ang naging “boss” niya. In fact, si Winlove ang pinamahala ni Bolkiah para sa kauna-unahang cancer hospital na itatayo sa Brunei.

E, ‘yun na nga, sumgalit lang dito sa Pilipinas that night si Winlove to give support kay Dante sa pelikula nito. And then, balik na rin siya agad ng San Francisco kinabukasan. Taray, ‘no, parang Divisoria-Quiapo lang?