TV5 hiniram si Sam sa ABS para kay Jasmine, natupad ang wish

DREAM come true para kina Jasmine Curtis at Sam Concepcion ang maging magkatrabaho sa isang proyekto. Yes, kahit nga nasa magkaibang TV network sila, nagawan ng paraan ng TV5 na pagsamahin ang magkasintahan sa bago nilang mini-series, ang Wattpad Presents.

Hiniram ng TV5 si Sam sa ABS-CBN para nga sa unang pasabog ng Wattpad Presents kung saan makakatambal nito ang Kapatid Princess na si Jasmine. Sila ang bibida sa kuwento ng My Tag Boyfriend, na magsisimula na sa Lunes, Sept. 22.

Tungkol ito sa isang estudyanteng adik sa Facebook na nakilala ang kanyang prince charming dahil matapos siyang magkamali ng pag-tag sa isa niyang post.

Ayon kay Sam, naging madali lang para sa kanila ni Jasmine ang mga kilig moments sa show dahil nga komprotable na sila sa isa’t isa, “Surprisingly, it was very natural…it came out very natural.

I thought it was gonna be weird. Siyempre, when you play roles like that on screen, you say things that you don’t really normally say.  “Otherwise, it would be funny in a normal setting. Pero it’s weird kasi I thought it’s gonna be awkward at all.

Akala ko magiging awkward, pero hindi rin pala, kasi siguro I guess our professional side really kicks in,” sabi  ng binata.
Sey naman ni Jasmine, kinarir naman nila ni Sam ang mga eksena nila sa My Tag Boyfriend para mas maka-relate at mas kiligin ang mga viewers, “It was very light.

It was just siguro spending the day together, it was just longer and we had work, we had to do scenes. Okay lang, kasi before we would do scenes, nag-uusap naman kami at nagbibiruan. Kapag trabaho na, yun na, work agad.”

Ito ang unang pagsasama nila sa isang malaking proyekto kaya umaasa sila na mauulit pa ito sa mga susunod na panahon. Tinanong naman sila kung ano ang ini-expect nila mula sa viewers sa unang TV adaptation ng isang Wattpad novel.

Naging hit na hit kasi ang movie adaptation ng iba pang Wattpad novels tulad ng “She’s Dating The Gangster” nina Daniel Padilla at Kathryn Bernardo at ang “Diary Ng Panget” at “Talk Back and You’re Dead” nina James Reid at Nadine Lustre.

“For me, my perception when it comes to show, movies, or endorsements, I’m happy enough to have work. I’m not so much after running the spotlight or fame.

As long as I have work, whatever it is, whatever network, whatever brand, whatever show, if it’s good content, I believe in it,” tugon ni Jasmine.

“If I like it, then I’ll go ahead with it and be thankful. If it becomes a hit, if our loveteam is effective, and people like it, I’m ecstatic. Ibig sabihin, maganda ang chemistry namin,” dagdag pa ng dalaga.

Sey naman ni Sam, “I’m quite confident that it’s good. Aside from the fact that it’s a trend and it has millions of reads online. I think how this is going to be different is it’s on TV. It’s readily available for anyone to see.

“Just turn on your TV and you can watch it. I mean, she is the princess (sa TV5) and I’m just a visitor,” hirit pa ni Sam.
In fairness, may promise ang tandem ng magdyowa, sa trailer kasi ng My Tag Boyfriend, bagay na bagay sila at kitang-kita ang kanilang magandang chemistry.

Samantala, bukod sa My Tag Boyfriend, kailangan n’yo ring abangan ang iba pang nag-trending at nakakakilig na mga love story sa sikat na sikat na ngayong Wattpad (internet).

“Wattpad started in 2006 and has established a dynamic and interactive community of readers and writers from around the world. It has a community of 35 million readers, 5 million of which are Philippine users who spent close to one billion minutes immersed in Wattpad’s free stories in the previous month alone,” ayon sa co-founder ng Wattpad na si Allen Lau.

Ang iba pang kilig and inspiring stories na mapapanood sa Wattpad Presents ay ang Mr Popular Meets Ms Nobody starring Artista Academy scholar Mark Neumann and Shaira Mae dela Cruz (Sept. 29); ang Poser na pagbibidahan nina Akihiro Blanco at Chanel Morales (Oct. 6) at ang Almost a Cinderella Story nina Carl Guerra at Eula Caballero (Oct. 13).

Parang nabunutan ng tinik si Anne Curtis nang malamang okay na ang kundisyon ng kanyang amang Australian matapos itong sumailalim sa surgery noong Lunes.

Sa kanyang Instagram account, nag-post ang It’s Showtime host ng litrato ng kanyang amang si James Curtis-Smith habang nasa kanyang hospital bed. Nagpasalamat din siya sa lahat ng followers niya sa social media na nagdasal para kanyang tatay.

“All smiles. Day 3 post-op. He is making great progress. A million thank you’s again to everyone who has sent their well-wishes & prayers & a billion, trillion thank you’s to all the amazing Doctors & Nurses that took care of Daddy.

“We owe you his life…..& most importantly, infinity thank you’s to our Creator from up above & his Angels that never left his side. I know HE got him through this. Without a doubt. Happy heart,” aniya pa.

Noong Lunes, humingi ng tulong sina Anne at sister nitong si Jasmine sa kanilang followers sa Instagram at Twitter na ipagdasal na sana’y maging matagumpay ang gagawing operasyon sa kanilang ama.