Samahan nina Piolo at Sam mawawasak, sisisihin si Shaina

HINDI na kailangang magpaalam pa ni Sam Milby kay Piolo Pascual na liligawan niya si Shaina Magdayao. At wala rin daw siyang balak na tanungin ang kapwa Kapamilya actor kung nanliligaw pa ito sa kapatid ni Vina Morales.

Ang alam kasi ng madlang pipol ay pumoporma pa rin si Piolo kay Shaina kaya natanong si Sam sa presscon ng pelikulang “The Gifted” kung nag-usap na ba sila ng kanyang kaibigan tungkol sa dalaga.

Baka kasi masira pa ang friendship nila ni Piolo nang dahil lang sa isang babae. “Hindi naman ako ang dapat na… like, what I’m saying, we’re friends (ni Shaina) and we’re enjoying our friendship.

Hindi naman kailangang pag-usapan, ‘coz we’re taking it slow and we’re just enjoying it. “Hindi pa nga kami nagdi-date, we’ve not been out na just the two of us, so hindi naman kailangang pag-usapan.

So, yun,” paliwanag ni Sam. Hirit pa ng binata, “Kami ni Shaina, hindi naman kami ganung ka-close before pa yung tsismis sa kanilang dalawa ni Piolo, it’s only now na we’re really getting close. I already said before, na… like two years ago, gusto ko siyang ligawan, pero hindi na natuloy.”

Ano ba talaga kasi ang hinahanap niya sa isang babae at parang hirap na hirap siyang maghanap ng kapalit ni Anne Curtis sa puso niya? “It’s really all about having a big heart.

Dapat may attraction talaga, but it’s really about having a big heart, and dapat may connection. “Sometimes, puwedeng sabihin na heto ang gusto ko sa isang babae, heto ang mga katangihan na gusto ko, pero. it really comes all to connection and it comes naturally,” aniya pa.

Dito ay inamin din ni Sam na si Anne pa rin ang greatest love niya, “Yeah, I think Anne is my greatest love, so far. Kasi look, it’s been four years na since nagkahiwalay kami, and yet, wala pa akong nakikitang kapalit niya.

Yeah, siya nga and I’m not shy to say that.”

( bandera.ph file photo )