Boy Abunda namayat nang todo matapos maoperahan

BOY ABUNDA

Parehong nawawala sa primetime talk program nila sina Kris Aquino at Boy Abunda. Two weeks ago pa wala si Kuya Boy sa show dahil nga sa kanyang karamdaman. Pero nagpapagaling na raw ngayon ang TV host sa kanilang tahanan. And last Tuesday, pati si Kris ay nagkasakit din.

Pinalitan sila ng magkapatid na Toni at Alex Gonzaga. In fairness, ang lakas talaga ng magkapatid sa Kapamilya network. Left and right kasi ang mga programa nila, huh!

Anyway, nabalitaan namin na pumayat daw si Kuya Boy after his operation. Umabot daw sa 20 pounds ang nawalang timbang sa kanya. Pero ngayon, unti-unti na siyang nagkakagana sa pagkain.

Mahigit isang linggo nagpahinga si Kuya Boy sa kanyang resthouse sa Tagaytay. At ang latest na nabalitaan namin ay bumabalik na rin daw kahit paano ang sigla at laki ng kanyang katawan.

Any moment ay baka biglain na lang ni Kuya Boy ang televiewers at bumalik na pala siya on TV. Abangan na lang natin sa Sunday kung uunahin ba niyang magpakita sa televiewers sa The Buzz or next week sa Aquino & Abunda Tonight.