Lyca pinabilib ang bossing ng Dos, isasali na sa Hawak Kamay
O, di ba? Korek ang nasulat namin dito tungkol sa promising acting career ng The Voice Kids grand winner na si Lyca!
Pagkatapos nga ng matagumpay na episode ng bagets sa Maalaala Mo Kaya noong Sabado, mapapanood na rin si Lyca sa family drama series ng ABS-CBN na Hawak Kamay ni Piolo Pascual para sa isang natatanging pagganap.
Sisimulan ni Lyca ang taping para sa serye ngayong Biyernes, kung saan makakaeksena nga niya si Piolo at ang mga top child stars ng Dos na sina Zaijian Jaranilla, Andrea Brillantes, Xyriel Manabat, Yesha Camile at JK Labajo na naging top-runner din noon sa The Voice Kids”.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.