Mga Laro Ngayon
(Mall of Asia Arena)
2 p.m. NU vs Adamson
4 p.m. UE vs Ateneo
UAAP Team Standings: Ateneo (6-2); La Salle (6-2); FEU (6-2); NU (5-3); UE (4-4); UST (4-4); UP (1-7); Adamson (0-8)
Mga Laro Ngayon
(The Arena, San Juan)
2 p.m. San Beda vs
Mapua Tech
4 p.m. Arellano U vs
San Sebastian
NCAA Team Standings: San Beda (7-2); Arellano U (7-2); JRU (6-3); St. Benilde (5-4); Perpetual Help (5-4); Lyceum (5-4); EAC (3-6); Letran (3-6); San Sebastian (3-6); Mapua (1-8)
BABANGON ang Ateneo Blue Eagles mula sa pagkatalo sa karibal na La Salle Green Archers sa pagbabalik laro ng 77th UAAP men’s basketball ngayon sa Mall of Asia Arena sa Pasay City.
Kalaro ng Eagles ang host University of the East Red Warriors sa ikalawang laro matapos ang unang tagisan sa pagitan ng National University Bulldogs at Adamson Falcons sa ganap na ika-2 ng hapon.
Ang 86-88 pagyuko sa Archers ang nagtulak para makasalo ng Ateneo ang nagdedepensang kampeong La Salle at Far Eastern University sa unang puwesto sa 6-2 karta.
Nasa likod lamang ng tatlo ang Bulldogs na may 5-3 rekord. Samantala, bubuksan ng San Beda at Arellano ang kampanya sa second round ng 90th NCAA men’s basketball ngayon sa The Arena, San Juan, City.
Paborito ang four-time defending champion Red Lions na maisulong ang 7-2 karta dahil kaharap nila ang nangungulelat na Mapua sa unang laro sa ganap na ika-2 ng hapon.
Bahagya namang pinapaboran ang Arellano sa pagbangga nito sa delikadong San Sebastian dakong alas-4 ng hapon.
Magkasalo sa unang puwesto ang Lions at Chiefs pero angat lamang ng isa’t-kalahating laro sa pumapangatlong Jose Rizal University na host ng kasalukuyang season.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.