Vina Morales pinabulaanan na binugbog siya ni Cedric Lee; balita ng ABS-CBN itinanggi
Ni Marinel Cruz
MARIING itinanggi ng singer-actress na si Vina Morales na sinaktan siya ng dating partner na si Cedric Lee. Ayon kay Vina, hindi totoo ang lumabas na balita na minsan na siyang nag-file ng reklamong physical abuse laban kay Lee sa Police Security and Protection Group (PSPG).
Si Lee ang tatay ng 4-anyos na anak ni Vina. Sa pahayag na ipinadala sa Inquirer ng abogado ni Vina, na si Ariel Radovan sinabi nito na: “news tidbits with reference to the infliction of physical violence at any given time to her person by Mr. Lee is purely fictional, conjectural and speculative.”
Ayon sa ulat ng ABS-CBN noong Pebrero 4, ang reklamo umano ni Vina na inihain sa PSPG ang naging dahilan para ipull-out ng pulisya ang escort na itinalaga sa negosyante noong 2012.
“Morales has already exercised her rights through our firm by instituting legal recourse which is of public knowledge and record,” ani Radovan.
“We appeal to everyone to spare our client, especially the young Ceana, from negative, undue and unjust publicity they don’t deserve.”
Iginiit din ni Radovan na huwag nang idawit pa ang kanyang kliyente sa mainit pa ring isyu sa pagitan ni Lee at ng aktor/TV host na si Vhong Navarro at Deniece Cornejo.
“The Navarro-Lee affair is beyond Morales. Let us endeavor to give her peace,” dagdag pa ng abogado.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.