Batang Gilas dinurog ang UAE sa FIBA Asia U18 | Bandera

Batang Gilas dinurog ang UAE sa FIBA Asia U18

Angelito Oredo |August 06,2018
facebook
share this

Batang Gilas dinurog ang UAE sa FIBA Asia U18

Angelito Oredo - August 06, 2018 - 08:32 PM

FIBA.COM

Laro sa Martes, Agosto 7
(Nonthaburi, Thailand)
6:45 p.m. Philippines vs China
NAKUHA ng Batang Gilas Pilipinas ang ikalawang sunod na panalo matapos durugin ang United Arab Emirates, 92-49, sa FIBA Under-18 Asian Championship Lunes ng gabi sa Bangkok Thai-Japan Youth Center sa Bangkok City, Thailand.

Pinangunahan ni Ariel John Edu ang Batang Gilas sa itinalang 16 puntos habang nagdagdag ang 7-foot-2 na si Kai Zachary Sotto ng 14 puntos.

Nag-ambag naman sina Rhayyan Amsali at Xyrus Dane Torres ng 13 at 12 puntos para sa Batang Gilas.
Sinimulan ng Batang Gilas ang kampanya sa impresibong panalo kontra Lebanon, 75-53, Linggo ng gabi.

Kasalukuyang nasa unang puwesto sa Group B ang Batang Gilas katabla ang China na parehong may 2-0 record.

Tinalo ng China ang Lebanon, 100-52, Lunes ng hapon.

Masusubok ang katatagan ng Batang Gilas sa pagsagupa nito sa China ngayong gabi.

Ang mananalo sa labang ito ang mangunguna sa Group B at awtomatikong papasok sa quarterfinals.
Ang matatalo naman ay dadaan sa playoff kasama ang third place team sa grupo.

Ganap na alas-6:45 ng gabi sasagupain ng Batang Gilas ang 11-time champion na China.

May 2-0 record din ang Japan at Iran sa Group A gayundin ang Australia at New Zealand sa Group C pati ang Korea at Taiwan sa Group D.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

What's trending