AlDub fans umaasang matutuloy ang 2nd Alden-Maine movie
MAINE MENDOZA AT ALDEN RICHARDS
Hindi pa rin bumibitiw ang AlDub fans sa pagmamahal at pagsuporta sa kanilang mga idolo na sina Alden Richards at Maine Mendoza.
Hinding-hindi nila makalimutan ang araw ng Huwebes dahil sa araw na ito nagsimula ang phenomenon ng Eat Bulaga loveteam.
Kahapon, July 19, Huwebes, ang 157th weeksary ng AlDub. Todo pa rin sila sa tweets gamit ang hashtag na #ALDUB157thWeeksary.
Nanguna na naman ito sa Top Trending Topic sa Twitter PH na may 150,000 plus tweet na malayung-malayo sa tweets ng ibang topic gaya ng #IndayPH, #Rizal at iba pa.
Kahit wala pang project sa TV o movie na magkasama, nag-promise ang milyun-milyong fans nina Alden at Maine na hinding-hindi pa rin sila bibitiw sa pagmamahal at pagsuporta sa tambalang minahal ng buong mundo.
At hanggang ngayon ay hindi pa rin sila tumitigil sa panawagan na pagbigyan ang kahilingan nilang muling magsama sa movie ang AlDub kahit hindi na sa serye.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.