ISA sa pinaka common na sakit ng mga Pilipioo ang urinary tract infection o UTI, lalo na sa mga kababaihan, partikular na sa mga momshie!
Ilan sa mga sintomas ng UTI ay masakit at paunti-unting pag-ihi. Minsan ay makararanas din ng pagsusuka at kasabay nito ang pagkahilo na magiging sanhi ng panghihina at may kasamang lagnat.
Kaya mga beshie kung di keri ng budget mo para sa mga gamot, puwedeng-puwede mong subukan ang mga ilang halamang gamot courtesy of Mother Nature:
Mais
Maaari mong pakuluan ang mais at inumin ang pinaglagaan nito. Ang mais ay may natural na tannin at antioxidant na nakakagaling din.
Bawang
Ang bawang ay may allicin, at isang active ingredient na may antimicrobial at antifungal effect at ito ay maaaring makatulong at nakakagaling sa UTI.
Cranberry
Maaaring bumili ng craberry juice sa grocery stores at inumin ng tatlo hanggang apat na beses kada araw.
Buko juice
Ang sabaw ng buko ay mabisang pampaihi, uminom nito ng maraming beses sa isang araw para malinis ang daluyan ng ihi.
Sambong
Pakuluan lamang ang dahon nito at inumin na parang tea hanggang gumaling ang UTI, kilala ito bilang diuretic o pampaihi.
Banaba
Pakuluan ang dahon, inumin ng apat na beses sa araw-araw.
Pero siyempre mga beshies and momshies hindi ito cure-all. Dapat may disiplina din tayo sa sarili at samahan din ng: pag-inom ng maraming tubig; pag-eehersisyo; tamang hygiene; pag-iwas sa masisikip na pantalon at legings; at pagkain ng tama.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.