Hugot ni Jodi: Loving is a choice, hindi lang po ito basta emosyon! | Bandera

Hugot ni Jodi: Loving is a choice, hindi lang po ito basta emosyon!

Reggee Bonoan |June 24,2018
facebook
share this

Hugot ni Jodi: Loving is a choice, hindi lang po ito basta emosyon!

Reggee Bonoan - June 24, 2018 - 12:05 AM

NAKAKABILIB naman ang sipag ni Jodi Sta. Maria dahil maski abala siya sa taping ng Sana Dalawa Ang Puso ay nakakagawa pa rin siya ng iba pang makabuluhang mga bagay.

Estudyante si Jodi tuwing araw ng Martes (hanggang 5 p.m.) na susundan naman ng kanyang Instagram Live stories (bandang 6:30 p.m.). Kuwento niya, “I’m busy with a lot of things like with work, with school, and I’ll be starting my IG live stories every Tuesday please watch it. We tackle different topics.”

Ito at iba pang bagay ang pinagkakaabalahan ng leading lady nina Robin Padilla at Richard Yap sa Sana Dalawa Ang Puso, ayaw daw kasi niyang may nasasayang na oras.

Tinanong namin si Jodi kung pag-uusapan din ba sa kanyang IG Live ang tungkol sa lovelife, “We haven’t tackled that yet but we have tackled mental health and now we are doing left over meals, mga nagtitipid na mommies so that’s what we do.

“Kung tungkol sa love ang ita-tackle namin, it depends also on what they like because before I bring out a content, I ask them (audience) what do you want to talk about, so kung ano ‘yung pinakamarami sa consensus, then ‘yun ang pag-uusapan,” pahayag ni Mona/Lisa ng SDAP.

Ano naman ang maipapayo niya sa kanyang followers para magtagal ang isang relasyon, “If you’re going to ask about how a relationship lasts then, I’ve say there has to be commitment and that loving is a choice. Parang love is not based on just emotion alone. So, I think that would be a good starter.”

Samantala, kamakailan ay bumiyahe sa labas ng bansa ang mag-inang Jodi at Thirdy Lacson na talagang in-enjoy nila nang todo.

“Masarap siyempre kasi alam mo ‘yon we get to journey this life together, to experience so many things together.

“We get to experience different cultures and different countries together and as a mom, importante sa akin ‘yun na nagde-deposit ako sa memory bank ng anak ko na eventually pag tumanda siya mayroon siyang babalikan na good memories naming mag-ina,” kuwento ng proud mommy ni Thirdy.

Anu-ano pang bansa ang nasa bucket list nilang mag-ina? “Napakarami pa. Actually, part ng bucket list namin ay makumpleto namin ‘yong Wonders of the World. ‘Di ba may seven Wonders of the World, seven Wonders of Ancient World so ‘yon ‘yong mga gusto naming mapuntahan at ma-experience together.”

Sinasagad daw talaga ni Jodi na maging ina sa anak kapag bumibiyahe sila dahil nga kapag nasa trabaho sila ay hindi na sila masyadong nagkikita. Aniya, “Ang challenges namin ni Thirdy now is time because of my work load, siya naman regular student and at the same time, he’s an athlete. After ng school may training sila sa basketball.

“Sometimes pag-uuwi siya pagod na o sometimes wala ako sa bahay, so ‘yong challenge is to make our schedules meet but as much as possible I really try to keep our communication lines open so that I know what is going on in his life and kahit na wala ako sa bahay, involved pa rin ako sa mga nangyayari sa kanya.

“But I’m very grateful to the Lord that he has blessed me with such a good kid not because I’m his mother but because that’s the truth na sobrang bait na talaga ni Thirdy,” sabi pa ni Jodi.

Going back to Sana Dalawa Ang Puso, dumalaw kami at iba pang members ng press sa taping ng serye sa Alpadi Estate, Antipolo City at dito nga nabanggit ni Jodi na dapat abangan ang journey nina Mona at Martin (Richard) at ang pagbabago kina Lisa at Leo Tabayoyong (Robin Padilla) bilang mga bagong kasal.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

“How will she (Lisa) relate to the three sisters of Leo kasi may isang kapatid si Leo na medyo nabigla sa pagpapakasal nila, si Tinay (Miles Ocampo). ‘Yon ang journey ni Lisa.

“Isa pang dapat abangan is ‘yung paghaharap nilang apat (Lisa/Leo at Mona/Martin). Kung ano ‘yong mangyayari, kasi now may rift pa rin sina Lisa and Martin,” kuwento ng aktres.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

What's trending