Liza ala-Wonder Woman ang costume bilang bagong Darna; 2-piece bikini out na nga ba? | Bandera

Liza ala-Wonder Woman ang costume bilang bagong Darna; 2-piece bikini out na nga ba?

|June 13,2018
facebook
share this

Liza ala-Wonder Woman ang costume bilang bagong Darna; 2-piece bikini out na nga ba?

- June 13, 2018 - 12:15 AM

LIZA SOBERANO

MUKHANG magkakaroon nga ng malaking pagbabago sa costume ni Liza Soberano bilang bagong Darna.

Mismong ang direktor ng bagong movie version ng “Darna” na si Erik Matti ang nagsabi na may pagka-warrior type ang isusuot na costume ni Liza na ibang-iba sa dating costume ng pinakasikat na Pinay superhero.

“Hindi naman pwedeng naka leggings si Darna. We didn’t think of (being conservative). We only thought of what’s good for the role.

“Of course, with all the gender sensitivity now, we have designed something that is more of a warrior, more of utilitarian costume. Dati kasi bikini na parang weird din minsan, itatanong mo sa sarili mo kung bakit ‘yung superhero naka-bikini,” paliwanag ng direktor sa panayam ng ABS-CBN.

Ibig bang sabihin nito, mala-Wonder Woman din ang costume ni Liza sa “Darna” – sexy pero wholesome at astig pa rin ang dating?

Muli, ipinagdiinan ni Direk Erik na tuloy na tuloy na ang paglipad muli sa big screen ni Darna, “We’ve had several look tests already in terms of make-up, costumes for the superhero and for the normal Narda costume. Liza is gearing up. She’s quite excited and we’ve done several rehearsals already for critical, emotional scenes.

“Ang dami nang nangyari so I am shocked that every now and then, may balitang hindi matutuloy or nagbitiw ako. Unless I am fired, I am very much still into Darna,” chika pa ng direktor.

Kasabay nito, ipinagtanggol din ng direktor si Liza sa mga bashers na patuloy na nagsasabing hindi bagay sa dalaga maging Darna, “When Daniel Craig became James Bond, ang daming nagsabi na iba pa din si Sean Connery.

“Nu’ng lumabas siya, everyone believed him. I think hindi ‘yan (bashing) mahihinto until they see her and believe her kapag nakita siya na, ‘Ay oo nga, she’s the perfect Darna,’” sabi pa ni Direk Erik Matti.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

What's trending