Aiko, Team Sarimaw kumasa sa ‘Tagasaan Ka’ dance challenge | Bandera

Aiko, Team Sarimaw kumasa sa ‘Tagasaan Ka’ dance challenge

Reggee Bonoan |May 24,2018
facebook
share this

Aiko, Team Sarimaw kumasa sa ‘Tagasaan Ka’ dance challenge

Reggee Bonoan - May 24, 2018 - 12:25 AM


DAHIL sa init at nanlalapot na ang Team Sarimaw sa taping nila ng Bagani sa Bataan ay pinasaya nila ang sarili habang naghihintay ng “action” ni direk Richard Arellano.

Trending ang video na ipinost ni Aiko Melendez sa kanyang Instagram account habang sumasayaw siya kasama ang Team Sarimaw ng pinausong sayaw ni Vice Ganda sa It’s Showtime.

Pinanood namin ang video at narinig naming may sumigaw ng “actors, actress, taga-saan ka?” na sinagot naman ng grupo ng, “Taga-Bagani”, sabay tugtog at nagsayawan na ang lahat.

Umabot na sa 165,000 plus ang views ng Team Sarimaw video na kalaban naman ng grupo nina Enrique Gil bilang si Lakas. Hinahanap nga namin ang binata kung nasaan siya at kung hindi ba siya sumama sa “Taga Saan Ka” dance challenge.

Aliw ang sayaw ng grupo ni Aiko na hindi rin nagpatalo ang aktres dahil may pa-push up at pa-puwet pa ito. Tawang-tawa naman kami kay Robert Sena na maski init na init sa kanyang costume ay talagang walang patumanggang humiga-higa pa sa lupa habang sumasayaw.

Mukhang naaliw nga ang mga sumusubaybay sa Bagani dahil panalo sa ratings game ang Tuesday episode ng serye na nakakuha ng 32.5 percent nationwide, base sa datos ng Kantar Media.

Samantala, kailangang talunin ni Lakas si Gandara (babaeng nag-iiba ang anyo) para mailigtas na si Ganda (Liza Soberano) sa pagkakakulong nito sa ibang mundo.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

What's trending