Umaasang gaganda ang buhay, ekonomiya kumonti-SWS | Bandera

Umaasang gaganda ang buhay, ekonomiya kumonti-SWS

Leifbilly Begas |May 23,2018
facebook
share this

Umaasang gaganda ang buhay, ekonomiya kumonti-SWS

Leifbilly Begas - May 23, 2018 - 06:03 PM

KUMONTI ang mga Filipino na naniniwalang gaganda ang buhay sa susunod na 12 buwan, ayon sa survey ng Social Weather Stations (SWS).

Nabawasan din ang mga Filipino na naniniwala na gaganda ang ekonomiya ng bansa sa susunod na isang taon.

Ayon sa survey na isinagawa noong Marso 23-27, ang mga naniniwala na gaganda ang kanilang buhay sa susunod na 12 buwan ay 46 porsyento samantalang ang mga naniniwala na hindi ay anim na porsyento o net optimism na 40 porsyento.

Sa survey noong Disyembre ang mga naniniwala na gaganda ay 49 porsyento at ang hindi ay tatlong porsyento o net optimism na 46 porsyento.

Ang mga nagsabi na gumanda ang kanilang buhay sa nakaraang 12 buwan ay 41 porsyento at ang hindi ay 21 porsyento o net na 20 porsyento.

Noong Disyembre 41 porsyento ang gumanda ang buhay, 18 porsyento ang hindi o net na 23 porsyento.

Ang mga naniniwala naman na gaganda ang ekonomiya ay net na 31 porsyento (42 porsyento na gaganda at 12 na hindi).

Sa mas naunang survey ang net optimism ay 42 porsyento (52 porsyento na gaganda at siyam na hindi.
Kinuha sa survey ang opinyon ng 1,200 respondents

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

What's trending