Maine inatake ng nerbiyos nang pakantahin sa mall show

MAINE MENDOZA

HUMILATA lang si Maine Mendoza nang buong araw nu’ng nakaraang Linggo. Tweet niya, “Stay-in-bed-all-day.”

Eh, bago tumodo sa pahinga, nag-Eat Bulaga muna siya last Saturday at nag-segue sa event para sa isang karaoke brand na kanyang ineendorso sa SM Megamall.

Nagpasalamat naman siya sa fans niyang dumayo sa mall para makita siya’t marinig na kumanta. Humingi naman siya ng paumanhin sa lahat ng naroon. Aniya, “Sorry na lang po sa boses ko, di naman ako songerz!”

Pero bago pumagitna sa stage, inamin ng Dubsmash Queen na sobrang kabado siya nang mga oras na ‘yun. “At sobrang kinakabahan kasi ako. Ha- hahahaha! Yung internal organs ko nagkakagulo na sa loob!” ang tweet pa ng Phenomenal Star.

Nitong nakaraang mga araw, binanatan na naman ng fans ang manager ni Maine na si Rams David. Dipensahan niya ang fans ni Meng na pinagbibintangang nagpapakalat diumano ng hate campaign laban kay Jasmine Curtis-Smith.

Kumalat kasi ang balitang si Jasmine ang makakapareha ni Alden Richards sa next Kapuso series nito, huh!

Artist man ng Triple AAA management si Maine, wala sa image ng kumpanya na manira ng ibang artista. In case na nakalimutan na ninyo, may pinirmahang movie contract si Jasmine sa APT Entertainment kaya walang dahilan para siraan siya ng staff nito.