Ate Guy pumayag saktan at apihin ni Cherie Gil sa bagong serye ng GMA

NORA AUNOR AT CHERIE GIL

GAME na game si Nora Aunor sa anumang gagawin sa kanyang panlalait at pananakit ni Cherie Gil para sa Kapuso series nilang Extraordinary Love. Kilala ang award-winning actress sa makatotohanan at nakakagalit na pagpapahirap niya sa mga bida.

Isa sa tumatak na eksena ni Cherie sa mga Pinoy bilang kontrabida ay nu’ng tapunan niya ng tubig si Sharon Cuneta sa pelikula nilang “Bituing Walang Ningning.” Hanggang ngayon, hindi pa rin nawawala sa isipan ng publiko ang eksenang ‘yon.

Ayon sa staff ng bagong Kapuso series, handa naman daw si Ate Guy sa mga pasabog na pang-aapi sa kanya ni Cherie, huh!