Bonggang kasal nina Billy at Coleen sa Balesin Island star-studded | Bandera

Bonggang kasal nina Billy at Coleen sa Balesin Island star-studded

|April 22,2018
facebook
share this

Bonggang kasal nina Billy at Coleen sa Balesin Island star-studded

- April 22, 2018 - 12:05 AM


STAR-STUDDED ang bonggang beach wedding nina Billy Crawford at Coleen Garcia na ginanap kamakalawa sa Balesin Island Club resort sa Polilio, Quezon.

Present ang respective families ng bagong kasal. Ang tatay ni Coleen na si Jose Garcia ang naghatid sa kanya sa altar habang ang nanay naman niyang si Maripaz Magsaysay na matagal nang hiwalay sa tatay niya ay dumalo rin sa kasal.

Kasama naman ni Billy sa wedding ang kanyang parents na sina Jack Crawford at Mayette Ledesma na parehong naka-base sa Amerika. Of course, tuwang-tuwa si Billy dahil naka-attend ang magulang niya sa kabila ng kanilang health condition.

Ilan sa mga celebrities na present sa wedding nina Billy at Coleen ay sina Gary Valenciano who serenaded the couple and their guests, Sharon Cuneta at Vicki Belo (dalawa sa mga ninang) Vice Ganda, Vhong Navarro, Jhong Hilario, Ryan Bang at Amy Perez.

Naroon din si Paolo Valenciano with groomsmen KC Montero, Jay-R and Kris Lawrence.

Naroon din sina Derek Ramsay with girlfriend Joanne Villablanca, Regine Velasquez and Ogie Alcasid, ang mag-iinang Sylvia Sanchez, Arjo Atayde at Ria Atayde siyang tumayong Maid of Honor.

q q q

Iniintriga ang hindi pag-attend nina Anne Curtis at Karylle sa Balesin wedding nina Coleen at Billy. Bakit daw sa mga kasamahan ni Billy sa programa nilang It’s Showtime ay sila lang ang wala sa kasal.

May issue raw ba sa pagitan ng bagong kasal at kina Anne at Karylle?

Ayon sa ilang intrigerang netizens, baka raw gumanti si Anne kina Billy at Coleen dahil hindi rin nakarating ang dalawa sa kasal nila ni Erwan Heussaff. Pero may nagtanggol naman sa TV host-actress at sinabing matagal nang naka-schedule ang pagpunta nito sa London para sa London Marathon 2018 na gaganapin sa Sunday, April 22.

Sa katunayan, nag-post pa si Anne sa kanyang Instagram kahapon ng litrato ng kanyang marathon kit at swag na gagamitin niya para sa London marathon.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Mas marami ang nagtaka at nagbigay ng malisya kung bakit hindi pumunta sa kasal si Karylle. Mas pinili pa raw kasi ng Showtime host ang dumalo sa meet-and-greet event ng Hollywood actor at Riverdale star na si Cole Sprouse sa SM Mall of Asia.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

What's trending