Vhong emosyonal sa graduation ng anak kay Bianca Lapus: Ang sarap sa pakiramdam!

REUNITED ang former couple na sina Vhong Navarro at Bianca Lapus sa graduation ng kanilang anak na si Isaiah Navarro.

Buong pagmamalaking ibinahagi ni Vhong ang madamdamin niyang mensahe para sa anak sa kanyang Instagram account.

“Anak ang sarap ng pakiramdam na makita kang umaakyat sa stage. Yung ngiti mo na yan triple ang saya na nararamdaman ko.

“Sabi ko nga sayo kayang-kaya mo. Mahal na mahal kita @yceking! Proud na proud kami ng mommy @biancalapus kuya @fredrieknavarro at tita @t_winona mo. We love you,” caption ni Vhong.

Picture of a happy family naman ang ipinost ni Bianca sa kanyang IG.

“I couldn’t help but get teary-eyed. You have been through a lot…sacrificed a lot…even shed tears and has sleepless nights studying…just for us to see you up on stage with your diploma. Your dad @vhongnavarro44 and I are so proud of you!” bahagi ng mensahe ni Bianca.

Kahit hiwalay na sila ni Vhong, nagpasalamat pa si Bianca sa pagiging great father nito sa anak. “I will never regret that part of my life…” saad pa ng aktres.

Good karma rin kasi si Vhong dahil sa mga kabutihang ginagawa niya sa kanyang buhay.

Napakaganda rin ng takbo ng kanyang career ngayon. Sa katunayan, kasalukuyan niyang ginagawa ang bagong Regal movie niya na “Unlife” kung saan makakapareho niya ang beauty queen-actress na si Teresita Ssen (Winwyn Marquez) at ama nitong si Joey Marquez.