OFW na nanligaw kay Kris biglang-sikat, pero nakakaawa raw | Bandera

OFW na nanligaw kay Kris biglang-sikat, pero nakakaawa raw

Cristy Fermin |April 16,2018
facebook
share this

OFW na nanligaw kay Kris biglang-sikat, pero nakakaawa raw

Cristy Fermin - April 16, 2018 - 12:30 AM

 

AYAN, dahil sa pagiging patolah ni Kris Aquino ay siya ngayon ang binabakbakan ng mga taong mula nu’n hanggang ngayon ay walang nakikitang positibo sa kanya, sa kanya tuloy bumabalandra ang mga salitang ipinakain niya sa isang OFW na gusto sanang manligaw sa kanya.

Hindi kasi nag-ingat si Kris, nagpadala na naman ang aktres-TV host sa kanyang emosyon, hindi niya man lang naisip na isang simpleng engineer ang nagtangkang manligaw sa kanya. At OFW pa.

May katwiran din naman si Kris, ayaw niyang pumatol sa mga troll, ‘yung mga mapagpanggap dahil hindi naman nila tunay na pangalan at itsura ang nakikita sa kanilang account.

Pero sana’y sinarili na lang niya ‘yun, hindi na sana siya nagpakawala ng pahayag na too smart at too pretty siya para pumatol sa pagpapalipad-hangin ng lalaki, naging negatibo tuloy para sa kanyang imahe ang mga naglalabasang komento ngayon kontra sa kanya.

Pati tuloy ang estado sa buhay ng lalaki ay nakakuha ng simpatya ng publiko. Maraming naawa sa OFW, habang lumalatay naman ang mga salitang ipinatutungkol kay Kris bilang milyonarya, mula sa alta sosyedad at kung anu-ano pang pamba-bash.

Ang matagal nang kuwento ng STD na si Kris mismo ang nagbuyangyang sa publiko ay nauungkat din ngayon. Pasalamat nga raw si Kris Aquino at meron pang kalalakihang nag-aalok sa kanya ng pagmamahal.

Isang simpleng pitik lang ‘yun, isang pagtangging isinapubliko ni Kris kontra sa sinasabi niyang troll, pero ngumunguya siya ng ampalaya mula sa mga taong nayabangan sa kanya.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

What's trending