Maymay, Edward ninerbiyos nang sumabak sa horror-comedy

KASAMA sa cast ang popular MayWard loveteam nina Maymay Entrata at Edward Barber sa Da One That Ghost Away na pinagbibidahan nina Kim Chiu at Ryan Bang.

The two were asked kung paano naiba ang roles nila sa DOTGA sa “Loving In Tandem” na first movie nila.

“Siguro po sa lahat ng na-experience namin ay marami na kaming natutunan at mas marami pa kaming matututunan. Dito po ay masaya kami na part kami ng movie kasi bigla kaming napasok. Siyempre nu’ng nalaman naming kung sino ang nasa cast, parang sobrang saya. Pero noong una kinakabahan kami.

“Paano kung hindi natin magawa. Pero imbes na kabahan ay naging komportable kami kasi tinulungan po nila kami. Mas naging okay po siya at mas marami kaming natutunan kasi first time namin itong genre na horror comedy. At saka ‘yung sobrang comedy kasi halot lahat komedyante sila,” say ni Maymay.

“‘Yung sa difference in roles, mahirap i-compare kasi ‘yung ‘Loving In Tandem’ rom-com at may drama rin. Here it is more on just having a good time laughing. Para sa akin, the hardest part noong shooting is unang-una timing and not laughing. Malalaman ninyo kung ano ‘yung spontaneous at ano ‘yung mas scripted. Sa simula nahirapan ako sa timing,” say ni Edward.