Marian binigyan ng Cavite Outstanding Women Leader award
MARIAN RIVERA
NABAWASAN ang nararamdamang jetlag ni Marian Rivera nang matanggap ang bagong award, ang pagkakahirang sa kanya bilang isa sa 2018 Cavite Outstanding Women Leader na proud niyang idinispley sa kanyang Instagram.
Dumating na si Yan kasama ang mister na si Dingdong Dantes at anak na si Zia mula sa kanilang bakasyon sa Europe. Mahilu-hilo pa siya sa jetlag na dumale sa kanya pero saglit na nawala ‘yun nang ibigay sa kanya ang bagong parangal.
“Taos puos akong nagpapasalamat para sa karangalang ito. Mabuhay ang kababaihan,” post ni Yan.
“For her outstanding achievements in the field of entertainment. Her passion and dedication for her craft has brought pride to the Province and has served as an inspiration to women, contributing to the government’s effort towards women empowerment and gender equality,” nakasaad sa tropeyo.
Ngayong nakabalik na ng bansa simula na ng non-stop meetings si Marian para sa bagong GMA soap na kanyang gagawin. Wala pa kaming idea kung ano ang magiging tema nito.
Samantala, iniwan muna siya ni Dong dito sa bansa para sa “Sikat Ka Kapuso” shows ng GMA Pinoy TV sa New Jersey at Toronto, Canada kung saan kasama rin niya sina Alden, Dennis Trillo at Jennylyn Mercado.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.