Jang Geun balik-drama sa ‘Switch’
MAPAPANOOD na simula sa Marso 28 ang Korean star na si Jang Geun Suk sa kanyang bagong series na Switch.
Matatandaang ilang beses nang napanood si Geun Suk sa ABS-CBN matapos ipalabas ang ilan sa kanyang Korean hit dramas, kabilang na ang You’re Beautiful kung saan nakasama niya ang actress na si Park Shin Hye at iba pang Korean stars tulad nina Jung Yong Hwa at Lee Hong Ki.
Napanood din si Geun Suk sa Bel Ami na napanood din sa ABS-CBN kung saan nakasama niya si IU.
Makakasama naman ni Geun Suk ang sa Switch ang isa pang sikat na Korean star na si Han Ye Ri.
Isang genius swindler ang papel ni Geun Suk sa bagong K-Drama, samantalang isang prosecutor naman ang papel ni Ye Ri.
Samantala, palabas na ang bagong Korean drama ni IU na Mister kasama si Lee Sun Gyun na bumida sa hit series na Coffee Prince.
Huling napanood si IU sa Scarlet Heart na ipinalabas naman sa GMA 7 kung saan nakapareha niya si Lee Joon Gi.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.