Bianca epektib na bida-kontrabida sa Kambal, Karibal | Bandera

Bianca epektib na bida-kontrabida sa Kambal, Karibal

|March 24,2018
facebook
share this

Bianca epektib na bida-kontrabida sa Kambal, Karibal

- March 24, 2018 - 12:35 AM


UNSTOPPABLE talaga si Bianca Umali sa halos lahat ng bagay na gawin niya. Mabait na, matalino pa – at higit sa lahat mapagmahal sa pamilya. Kaya naman patuloy siyang bine-bless sa kanyang career at personal na buhay.

Kamakailan nga, lalo pang umangat ang husay niya sa pag-arte sa mga nakaraang episode ng Kapuso primetime series na Kambal, Karibal kasama ang kanyang ka-loveteam na si Miguel Tanfelix na kamakailan lang ay umaming nanliligaw na sa dalaga.

Nagmarka sa mga manonood ang eksena kung saan matagumpay na naipagpalit ni Crisel (Pauline Mendoza) ang katawan nila ng kakambal na si Crisan (Bianca) kung saan napunta ang kaluluwa ng huli kay Cheska (Kyline Alcantara).

Mapakontrabida man daw o pag-iyak sa mabibigat na eksena, ay parehong nabibigyan ng hustisya ni Bianca. Kuhang-kuha rin nito ang mannerisms na ginagawa ni Pauline tuwing gaganap siya bilang Crisel.

Ayon pa sa mga comments ng viewers ay natural na natural ang akting ni Bianca na akala mo’y napakatagal na sa industriya ng showbiz.

Hindi maikakailang si Bianca na ngayon ang pinakabagong “IT” girl na iniidolo ng karamihan. Kaya naman patuloy na namamayagpag sa ratings game ang serye nilang Kambal, Karibal. Sabi nga ng isang loyal fan ng dalaga, Bianca is more than just a pretty face. Taray!

Napapanood pa rin ang Kambal Karibal gabi-gabi pagkatapos ng Sherlock Jr sa GMA Telebabad.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

What's trending