National ID system lusot na sa Senado

INAPRUBAHAN ng Senado sa ikatlo at huling pagbasa ang panukalang batas na naglalayong ipatupad ang national ID system sa bansa. Sa botong 17-2, pinaboran ng mga senador ang  Senate Bill No. 1738 o “An Act Establishing the Philippine Identification System.” Tanging sina Sen.  Francis Pangilinan at Sen. Risa Hontiveros ang bumoto laban sa panukala. Nauna nang inaprubahan ang kaparehong panukala noong Setyembre 2017. Sa ilalim ng panukala, magkakaroon lamang ng isang ID na tatawaging  Philippine Identification System o PhilSys. Nakalagay sa national ID ang PhilSys Number (PSN), pangalan, kapanganakan, tirahan at  fingerprint ng isang indibidwal. “The PhilID shall serve as the official government-issued identification document of cardholders in dealing with all national government agencies, local government units, government -owned or controlled corporations, government financial institutions and all private sector entities,” ayon sa panukala.