LRT 1 at 2 walang biyahe mula sa Huwebes Santo hanggang Linggo ng Pagkabuhay

LRT

Walang biyahe ang mga tren ng Light Rail Transit Lines 1 at 2 mula Huwebes Santo (Marso 29) hanggang sa Linggo ng Pagkabuhay (Abril 1).
Sa ipinalabas na advisory ng LRT 1, ang mga araw na walang biyahe ay gagamitin ng pamunuan upang kumpunihin ang mga tren at sistema nito.
Magbabalak ang serbisyo ng LRT 1 sa Abril 2 mula alas-4:30 ng umaga.
Ang LRT 1 ay bumibiyahe mula Roosevelt sa Quezon City hanggang sa Taft Ave., sa Pasay.
Mahigit sa 25 ang tren ng LRT na bumibiyahe. Mayroon din itong mga skip train o mga tren na hindi hihinto sa lahat ng istasyon.
Ang LRT 2 ay bumibiyahe mula sa Santolan sa Pasig City hanggang sa Recto sa Maynila mula 5 ng umaga hanggang 10:30 ng gabi.
Sa mga nabanggit na araw ay wala ring biyahe ang mga tren ng Metro Rail Transit 3 na bumibiyahe mula North Ave., sa Quezon City hanggang sa Taft Avenue station sa Pasay.