Eroplano nag-crash sa bahay; 10 patay | Bandera

Eroplano nag-crash sa bahay; 10 patay

|March 17,2018
facebook
share this

Eroplano nag-crash sa bahay; 10 patay

- March 17, 2018 - 07:34 PM

AABOT sa 10 katao ang nasawi nang bumagsak ang pampasaherong eroplano sa mga bahay sa Plaridel, Bulacan, kahapon ng umaga.
Kabilang sa mga namatay ang limang sakay ng Piper PA-23 Apache light aircraft at ang limang miyembro ng pamilya dela Rosa na residente ng Brgy. Lumang Bayan.
Sa inisyal na ulat na nakarating sa Civil Aviation Authority of the Philippines, pasado alas-11 ng umaga nang bumagsak ang eroplano sa mga kabahayan.
Kaagad umanong nagliyab ang eroplano nang bumagsak, ayon naman aa Bureau of Fire Protection ng Bulacan.
Sinabi rin sa ulat na maraming nasugatan sa insidente at kasalukuyang ginagamot sa mga ospital sa probinsya.
Nagpadala na ng mga imbestigador ang CAAP sa lugar upang alamin ang dahilan ng nasabing aksidente.
Habang iniimbestigahan ang pangyayari ay grounded muna ang operasyon ng Lite Air Express na siyang may-ari ng nasabing light aircraft.
Papunta sana sa Laoag City ang nasabing eroplano nang ito ay bumagsak ilang sandali makaraang mag-take off mula sa Plaridel Aiport.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

What's trending