Jadine nagpaka-wild sa ‘Revolution’ concert

NADINE LUSTRE AT JAMES REID

NAYANIG ang buong Araneta Coliseum last Friday night dahil sa soldout concert nina James Reid at Nadine Lustre, ang “rEVOLolution”.

Dedma ang JaDine fans sa Friday traffic kaya naman talagang punumpuno ang Big Dome hanggang sa kasuluk-sulukan nito. Hawak ang kani-kanilang bonggang mga pailaw, nagmistulang sea of lights ang crowd as they all sang and dance with James and Nadine.

Dito namin napatunayan na from all ages ang mga supporters ng Kapamilya loveteam – mula sa teens, millennials, titos and titas at pati mga senior citizen, huh!

Level up, bolder at mas “wild” ang performance nila ngayon, dahil simula pa lang ay pasabog na ang entrada ng real life couple with their production number with matching flag pa na may nakasulat na “LOVE.” They really showed off na hindi lang acting ang kaya nila kundi pati na rin ang paghataw on stage with their superb talent as pagkanta at pagsayaw.

Pero ang talagang ikinagulat namin ay ang pagtodo ni Nadine sa kanyang sexy image on stage. Sa isang part, habang kumakanta si James, Nadine showed off a very sensual dance while doing acrobatics gamit ang isang upuan. As in bumali-baliktad ang Kapamilya actress, wearing only a plain white shirt and curve hugging short shorts.

Natuwa din ang lahat sa performance ni James with Sarah Geronimo singing “No Diggity.”

Nagsama-sama rin sina James, Nadine at Sarah with their version of “Boom Shake The Room” and “Getting Jiggy”.

Nasundan pa ito ng performance with their friends Bret Jackson, Kiana Valenciano at Sam Concepcion.

Sa huli ay magkahawak-kamay ang dalawa na humarap sa audience sabay sabing, “We love you JaDines!” na sinundan ng malakas na sigawan at palakpakan. – Djan Magbanua