Ellen ibinandera ang wedding ring, kasal na ba kay Lloydie?

USAP-USAPAN din sa mundo ng social media ang recent video nina Ellen Adarna at John Lloyd Cruz na pinaniniwalaang kuha sa isang lugar sa Cebu habang sakay sila ng isang habal-habal.

Dito kasi nakita ng social media followers ni Ellen ang suot niyang mga singsing na sinasabing wedding band at engagement ring ng sexy actress. Agaw-eksena kasi ang malaking bato nito.

Maraming netizens ang nagsabi na mukhang totoo nga ang chika na ikinasal na sina Lloydie at Ellen sa Cebu. Naikonek din ng mga ito ang balitang nagpapatayo na ng kanilang dream house ang magdyowa base na rin sa mga ipinost na litrato nina Ellen at John Lloyd sa Instagram.

Ang isang photo ay nilagyan pa ni Lloydie ng caption na, “My view is my empire” habang ang isa naman ay may mensaheng “Mine. Yours.”