Janella bagsak ang katawan, mall show, taping nakansela | Bandera

Janella bagsak ang katawan, mall show, taping nakansela

Jun Nardo |January 27,2018
facebook
share this

Janella bagsak ang katawan, mall show, taping nakansela

Jun Nardo - January 27, 2018 - 12:10 AM


HINDI makabangon si Janella Salvador matapos ang unang araw ng taping last Monday para sa episode ng isang weekly drama. Nakaramdam na siya nang hindi maganda habang nasa taping pero tinapos pa rin niya ‘yon.

Ayon sa handler ni Janella, umabot sa 39.1 ang fever niya na sinamahan pa ng sakit ng lalamunan. Hindi rin niya kinayang tumayo para pumunta sa ospital kaya nagpa-house call na lang siya ng doctor at med tech para gawin ang mga lab test sa kanya.

Pinayuhan si Janella ng doctor na kailangan ng bed rest ng two to three days at ‘yung test ay kailangang ulitin the following day. Dahil sa nangyari, nakansela ang taping niya para sa MYX kaugnay ng promo ng movie niyang “My Fairy Tail Love Story.”

Pack up din ang second day ng taping niya sa weekly drama kahapon. Pati ang isang event ngayong araw na ito ay kinansela dahil hindi pa rin kaya ng katawan niya.

Kaya naman sa mall show ng “MFTLS” ngayong Sunday sa Farmer’s Plaza, hindi makakarating si Janella dahil kailangan pa rin niyang magpahinga. Pero darating sina Elmo Magalona at Kiko Estrada upang pasayahin ang mga susugod doon.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

What's trending