Kathryn, Daniel naghasik ng 'kaguluhan' sa social media | Bandera

Kathryn, Daniel naghasik ng ‘kaguluhan’ sa social media

Reggee Bonoan |December 11,2017
facebook
share this

Kathryn, Daniel naghasik ng ‘kaguluhan’ sa social media

Reggee Bonoan - December 11, 2017 - 12:01 AM

INABANGAN talaga ng mga sumusubaybay ng fantaseryeng La Luna Sangre ang paglabas ng kapangyarihan ng karakter ni Kathryn Bernardo bilang si Malia noong Martes (Dec. 5).

Kasabay ng pagiging lobo ni Malia, pumalo naman ang programa sa all-time high national TV rating at trending pa sa Twitter worldwide.

Nagtala ang LLS ng national TV rating na 38.5% mula sa pinagsamang urban at rural homes, o higit sa doble ng rating ng katapat nitong palabas na nakakuha ng 15.3%, ayon sa datos mula sa Kantar Media.

Tanghali pa lang, tila hindi na mapakali ang netizens sa mangyayaring pagbabago kay Malia at kalaunan ay nag-trending pa sa Twitter ang hashtag nitong #LLSItIsTime sa buong mundo.

Puro papuri ang nabasa namin mula sa netizens dahil sa mahusay ng pag-arte nina Kathryn at Daniel pati na rin sa magandang visual effects ng transformation ni Malia.

“Mata niyo pa lang pamatay na, may action scenes pa. Ang galing galing niyo, @bernardokath @imdanielpadilla! Palagi ko kayong ipagmamalaki at patuloy na pasasalamatan sa pagbibigay niyo ng best ninyo.
“Mahal ko kayo will forever be proud & thankful to you two for always doing your best to give us, your fans and the viewers something worth watching. Luv u both, always,” ayon pa sa Twitter user na si @miamorkathryn.

Para kay @kataydall, “Ibibigay ko ‘tong episode kay Kathryn. Isa siyang versatile actress. Tingin ko pang acting award ito. Ilalaban ko ‘to.”

Mas umiinit pa ang mga eksena sa La Luna Sangre dahil bukod sa paglabas ng kapangyarihan ni Malia, lumabas din ang marka ng sumpang tinta sa katawan ni Tristan (Daniel). Lumalabas na magkapatid pala sina Tristan at Sandrino. At ano kaya ang magiging epekto nito sa relasyon nina Malia at Tristan?

Huwag palampasin ang mas pinabagsik na La Luna Sangre pagkatapos ng FPJ’s Ang Probinsyano sa ABS-CBN.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

What's trending