Para sa may kaarawan ngayon: Disyembre na! Ibig sabihin, Pasko na! Kaya nga kung ngayon pa lang ay mamimili na ng pangregalo ay mas malaki ang matitipid. Sa pag-ibig, isipin na ang pinaka-sweet at nakakikilig na Christmas gift para sa minamahal. Mapalad ang 4, 13, 22, 31, 40 at 49. Mahigawa mong mantra: “Om-Agiel-Om-Ophiel.” Red at yellow ang buenas.
Aries – (Marso 21-April 19) — Bagong kalakal na may kaugnayan sa butil ang dapat upang kumita ng mas malaking halaga. Sa pag-ibig, simulan nang maghanap ng bagong mamahalin sa katauhan ng isang Libra. Mapalad ang 8, 17, 26, 31, 40 at 44. Mahiwaga mong mantra: “Om-Akyata-Om-Purana.” Green at pink ang buenas.
Taurus – (April 20-May 20) — Wag makuntento sa pagtunganga! Kalakal na may kaugnayan sa pagkain ang dapat simulan ngayon papalapit na ang Simbang Gabi. Sa nasabing negosyo, uunlad ka at yayaman. Sa pag-ibig, laging magpasalamat sa kabutihang ipinapakita ng kasuyong Virgo. Mapalad ang 6, 9, 27, 33, 42 at 48. Mahiwaga mong mantra: “Aum-Garuda-Om”. Red at lilac ang buenas.
Gemini – (May 21-June 21) — Paramihin nang paramihin ang benta, kung saan sa pormulang “multiplication process” ay mas mabilis kang yayayaman. Sa pag-ibig, hindi dapat na mamangka sa dalawang ilog, manatiling tapat sa kasuyong Aquarius. Mapalad ang 5, 9, 23, 32, 41, at 48. Mahiwaga mong mantra: “Aum-Regama-Om.” Blue at gray ang buenas.
Cancer – (June 22- July 22) — Kumilos ka nang kumilos upang magkaroon ng suwerte at magandang kapalaran. Sa pag-ibig, isang batong maliit at isang batong malaki ang pagtabihin sa east corner ng sala ng inyong bahay upang mapanatiling maligaya ang pamilya. Mapalad ang 1, 7, 19, 28, 39, at 47. Mahiwaga mong mantra: “Yod-He-Vau-We.” Green at pink ang buenas.
Leo – (July 23 – August 22) — Kahit gustong-gusto mo nang namili ng mga pang-regalo ay huwag munang gawin. Isipin ang pinakatipid na pangregalo ngayong Pasko! Sa pag-ibig, sanayin ang pamilya sa mga mumurahin pero masustansyang pagkain. Mapalad ang 5, 10, 23, 27, 34, at 45. Mahiwaga mong mantra: “Aum-Dominum-Om-Factum.” Silver at gold ang buenas.
Virgo – (August 23 – September 22) — Sa pag-ibig at sa pinansyal, imungkahi sa kasuyo na itabi at huwag ubusin ang malaking halaga ng salapi na hawak n’yo sa ngayon upang pagkatapos ng Pasko ay marami pa rin kayong pera. Mapalad ang 1, 10, 22, 36, 41 at 48. Mahiwaga mong mantra: “Aum-Mimo-Om-Agara.” Gary at yellow ang buenas.
Libra – (September 23-October 23) — Usok at hangin ang mapalad mong elemento. Kung magnenegosyo, bagay sa iyo ang bakery, ihaw-ihaw, puto bumbong at bibingka. Sa pag-ibig, susuwertehin sa pananalapi kung isang Aquarius ang makakatuluyan. Mapalad ang 6, 12, 23, 32, 41 at 48. Mahiwaga mong mantra: “Aum-Dosya-Om.” Pink at white ang buenas.
Scorpio – (October 24 – November 21) — Kalimutan na ang nakaraan upang makapag-concentrate sa kasalukuyan. Sa pag-ibig, habang nag-aamoy Pasko ang simoy ng hangin ay muling paigtingin ang pagmamahalan. Mapalad ang 2, 11, 19, 27, 38 at 45. Mahiwaga mong mantra: “Aum-Deva-Om.” Yellow at violet ang buenas.
Sagittarius – (November 22 – December 21) — Mawawalang mabilis ang hawak na pera kung gasta ka lang nang gasta. Wag sumabay sa komersiyalismong pagdaraos ng Kapaskuhan. Kailangan pa ring magtipid. Tandaan na kapag maraming pera ang pamilya ay lagi silang masaya at sama-sama. Mapalad ang 3, 19, 27, 33, 37 at 48. Mahiwaga mong mantra: “Om-Kurvan-Aum-Adhena.” Purple at magenta ang buenas.
Capricorn – (December 22 – January 19) — Sikaping maitabi ang kalahati ng salaping nakuha sa 13th month pay at bonus upang pagkatapos ng Pasko, marami pa kayong pera. Sa pag-ibig, tuloy ang palihim pero romantic na relasyon. Suwerte ang 6, 15, 27, 36, 37, at 45. Mahiwaga mong mantra: “Abra-Kadab-Bra!” Lilac at beige ang buenas.
Aquarius – (January 20 – February 18) — Palaguin nang palaguin ang kabuhayan upang masiguro ang isang magandang kinabukasan para sa mga mahal sa buhay. Sa pag-ibig, sa iyong pag-uwi ay bigyan ng mainit na yakap ang kasuyo. Mapalad ang 2, 16, 23, 32, 42 at 48. Mahiwaga mong mantra: “Gayatri-Om-Om-Gayatri.” Blue at red ang buenas.
Pisces – (February 19 – March 20) — May kakaharapin na namang suliranin na may kaugnayan sa salapi. Dating gawi ang biglang papasok sa isipan: “Sino kaya ang mauutangan?” Huwag umasa sa ibinibigay ng kasuyo, panahon na upang umisip ng sarili mong pagkakaperahan. Mapalad ang 3, 12, 21, 33, 42 at 48. Mahiwaga mong mantra: “Puranas-Manu-Om.” Orange at pink ang buenas.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.