Mommy ni Kathryn saludo sa katapangan ng KathNiel fans | Bandera

Mommy ni Kathryn saludo sa katapangan ng KathNiel fans

Cristy Fermin |October 23,2017
facebook
share this

Mommy ni Kathryn saludo sa katapangan ng KathNiel fans

Cristy Fermin - October 23, 2017 - 12:01 AM

KATHRYN BERNARDO AT DANIEL PADILLA

NAPAKASWERTE ni Kathryn Bernardo sa pagkakaroon ng mga tagasuportang hindi masusukat ang pagmamahal sa kanya. Matindi ang malasakit sa young actress ng kanyang mga tagahanga, hindi makapapayag ang grupo na saktan siya ng kahit sino, lalo na ng mga taong walang karapatan.

Minsan pang ipinaramdam ng tropa ang pagmamahal nila kay Kathryn, parang ikinulong nila sa malaking hawla ang batang aktres para proteksiyunan, kaya ganu’n na lang ang pasasalamat ni Mommy Min.

Nakilala na namin nang personal ang mga opisyales at miyembro ng KDKN Solidarity Community, Inc., dinalaw kami nu’ng minsan sa radyo nina Chi Sangil, Marilyn Santos, Cristina Escalante at Teresa Nakpil, kasama nilang namasyal sa “CFM” ang anak-anakan naming si Ogie Narvaez Rodriguez.

Nu’ng nakaraang linggo naman ay nakatanggap kami ng bulaklak at regalo mula kay Ate Vi ng KathNails, nakatataba ng pusong basahin ang kakambal na note ni Ate Vi, dahil ramdam na ramdam namin ang sinsero nitong pasasalamat sa pagmamahal na ibinibigay namin sa kanilang mga idolo.

Masarap mahalin sina Daniel Padilla at Kathryn dahil nasasaksihan namin ang matindi nilang pagpapahalaga sa kanilang mga tagahanga. Bibihirang personalidad lang ang gumagawa ng ganu’n kasarap na pagbabalik ng pagmamahal sa mga kababayan nating tumatangkilik sa kanila.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

What's trending