PDEA nangako na walang EJKs | Bandera

PDEA nangako na walang EJKs

|October 13,2017
facebook
share this

PDEA nangako na walang EJKs

- October 13, 2017 - 05:55 PM

NANGAKO ang Philippine Drug Enforcement Agency (PDEA) na walang mangyayaring extrajudicial killings (EJKs) matapos saluhin mula sa Philippine National Police (PNP) ang kampanya kontra ilegal na droga.

Ito’y matapos atasan ni Pangulong Duterte ang PDEA na siya na lamang ang magpatuloy ng gera kaugnay ng operasyon ng droga sa bansa.

Tiniyak ni PDEA Director General Aaron Aquino na mahigpit na ipapatupad ang mga batas sa harap naman ng alegasyon ng EJKs mula nang simulan ang kampanya ng gobyerno kontra droga.
“Sa amin wala naman talagang ganyan e. Wala naman talagang abuses. Kaya lang, dinadagdagan ko na lang ng ganyan para to have an assurance sa mga tao na very transparent ang PDEA,” sabi ni Aquino.
Tinanggal ni Duterte sa PNP ang pamumuno sa kampanya kontra droga matapos namang bumaba ang net at trust rating ng pangulo base sa pinakahuling survey ng Social Weather Stations (SWS).
Sinabi ni Aquino na 28 suspek sa droga at 11 miyembro ng PDEA ang nasawi matapos simulan ang kampanya ng gobyerno kontra droga noong isang taon.
“I feel deeply that the 28 drug personalities that died since July up to present (in antidrug operations) being conducted by PDEA were all (results of) legitimate operations,” ayon pa kay Aquino.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

What's trending